U Indyi za apošnija dva dni ŭdarami małanki zabiła pa mienšaj miery 79 čałaviek, jašče bolš za 20 atrymali ranieńni, paviedamlajuć ułady krainy.

53 čałavieki zahinuli ŭ paŭnočna-ŭschodnim štacie Bichar, 10 žycharoŭ — u susiednim štacie Džarkchand, jašče 16 čałaviek — u štacie Madchja-Pradeš.

Bolšaść zahinułych — fiermiery i sielskahaspadarčyja rabočyja, jakija pracavali ŭ navalnicu ŭ palach.

Ciapier u štacie Bichar i susiednich štatach pačaŭsia siezon daždžoŭ, jaki praciahniecca da kanca vieraśnia. U hety čas musonnyja daždžy praktyčna nie spyniajucca, za try z pałovaj miesiacy vypadaje da 80% ad hadavoj normy apadkaŭ.

Štohod, pavodle dadzienych uładaŭ Indyi, achviarami udaraŭ małanak u krainie stanoviacca pa mienšaj miery za 2000 čałaviek.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?