U sudzie zasłuchany aŭdyjozapis razmovy Uładzimira Japryncava z synam Kaźbiekam, jakaja adbyłasia ŭviečary 7 lipienia 2015 hoda. Baćka telefanavaŭ z Maskvy, dzie raźbiraŭsia z pazykami syna. Pierad pačatkam ahučvańnia hutarki siamja vyjšła z zały suda pa prośbie Japryncava-starejšaha. Biznesmien taksama rastłumačyŭ, što asnoŭnaj temaj razmovy była pazyka Nadziei Čarnavoj, žoncy Iosifa (Anzor) Aksienćjeva, jakaja, jak vyśvietliłasia z razmovy — surjozna chvoraja.

Razmova doŭžycca kala 16 chvilin, amal uvieś čas vielmi emacyjna, amal nie pavyšajučy hołasu, ale pieryjadyčna ŭžyvajučy niecenzurnyja vyrazy, kaža Japryncaŭ-starejšy.

— Kazik, jak mnie soramna naohuł, ty nie ŭjaŭlaješ… Heta vašy prablemy, treba, kažuć, było vychoŭvać svaich dziaciej pravilna. Kaźbiek, nu čamu ja raźbirajusia? Ja b vyrašaŭ sam! Nikoli nie pasłaŭ by baćku! Ja b sam pajechaŭ! Skazaŭ by: režcie, zabivajcie mianie — ja vinavaty! A ty, Alik (niecenzurnaje). Ja nie viedaju, kudy mnie padziecca zaraz! Jany mnie namalavali 33 młn dalaraŭ. Jura (Čyž) zaŭtra z hłuzdu źjedzie. Ja vielmi bajusia, jon skaža: viedaješ, Vova, hrošaj niama takich…

Jana (Čarnova) kaža: ja addała hrošy, mnie 2 młn [dalaraŭ] treba. Jana straciła pracu (Čarnova pracavała ŭ hazavaj kampanii), jana 2,4 atrymlivała ŭ hod. Jany ŭpeŭnienyja, Kazik, što vy kudyści zasunuli hrošy, schavali. Nichto nie vieryć, što hetyja hrošy prapali! Kazik! Nichto! Ja nie viedaju, što mnie rabić! Lepš za ŭsich mianie Miša razumieje: «Vałodzia, kaža, nie daj boh u tvaim stanoviščy apynucca… Vova, bł*, jak jon moh, jon ža byccam narmalny!» Vałodzia kaža: jany kudy lezuć! Jon (Kaźbiek) pryjazdžaŭ, kaža, jašče 10 młn dalaraŭ prasiŭ…

— Ja prasiŭ 10 miljonaŭ?

— Kazik, ty nie adhavorvajsia, jany ničoha nie chłusiać. Ty byŭ by mužčyna, pajechaŭ by sam! Ja nie viedaju, čamu ty ŭziaŭ i tak padstaviŭ nas! Nie viedaju! Značyć, heta moj kryž. Zdochnu ja… Za vami padčyščaŭ…

Juru telefanavaŭ. Nie źniaŭ trubku siońnia, nie staŭ razmaŭlać. U Anzora ślozy. 54 hady! U jaje (Nadziei) rak, apieravali ŭžo. Kaźbiek! Jon kaža, žach, Vałodzia, žach! A ty jašče razmaŭlaješ, Kaźbiek!

Ja nie viedaju, što rabić! Jaki, bł*, djabał prymusiŭ ciabie heta zrabić! Alik vinavaty… Svaja hałava pavinna być…

Ja kažu: Miša, u mianie ŭsio zahinuła, heta moj syn… Nie viedaju, jak ja žyć budu. Jura kaža, ty jašče sa mnoj spračaŭsia — jany nie viedajuć, kolki hrošaj addali. Jakija vy nachren biznesmieny. Kazik, usio prasrali vy, bł*. Idzi pracuj: trenieram, hruzčykam, malisia, kab jany daravali tabie.

Ja tabie jak baćka kazaŭ — nie leź nikudy. Prakormimsia. Tvoj baćka nie afieryst i nikoli nie byŭ afierystam. Ty nie maješ prava, Kazik, a mnie hrošy davieryli. Niaŭžo ty heta nie razumieŭ, synok!

Nie viedaju, syn, jak heta možna było zrabić! Nie viedaju!!! (Praktyčna ŭpieršyniu surjozna pavyšaje hołas).

Budzie dapoŭniena.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?