5 žniŭnia ŭ prastory CECH adkryvajecca piersanalnaja vystava Siarhieja Hudzilina. U prajekcie «Kandensat» — 9 fotasieryj, u jakich kožny biełarus znojdzie i paznaje siabie. AFISHA.TUT.BY naprasiłasia paŭdzielničać u mantažy vystavy i pierakanałasia, što jaje ni ŭ jakim razie nielha prapuścić.

Fota: Viera Fiadotava dla TUT.BY

Fota: Viera Fiadotava dla TUT.BY

Za dzień da adkryćcia biełyja ścieny CECHa tolki pačynajuć zapaŭniacca sensami. Hudzie šrubaviort, hučna padajuć instrumienty. Płošču Biełarusi ŭciskajuć da 60 kvadratnych mietraŭ, na jakich z dapamohaj videa, fota, instalacyj pakažuć realnaje žyćcio krainy. Na praciahu siami hadoŭ Hudzilin daśledavaŭ jaje monacentr, stalicu, i multyŭskrainy, dakumientavaŭ važnyja hramadska-palityčnyja padziei, asabistyja historyi i momanty, jakija ŭtvarajuć štodzionnaść biełarusaŭ. Tut i staličny Silver Man u svaim najlepšym stroi, i pastuch z karovami, i śviatočnyja stały na mahiłach.

Fota: Viera Fiadotava dla TUT.BY

Fota: Viera Fiadotava dla TUT.BY

«Žančyna zafarboŭvaje fatahrafiju, na jakoj žančyna zafarboŭvaje nadpis»

— Mnie nie chaciełasia, kab heta byŭ nabor spravazdačnych fatahrafij na ćvikach, — kaža Siarhiej. — Tut mnostva roznych prajektaŭ, jakija skłalisia ŭ adno apaviadańnie. Pra Biełaruś, jakaja ŭ maim ujaŭleńni vyhladaje jak parnik. Zakrytaje hramadstva, zamknionyja pracesy, jakija «mihrujuć» u roznyja stany: ź ćviordaha ŭ vadki, z vadkaha ŭ hazapadobny.

Uvachod na vystavu — heta abityja plonkaj dźviery, jakija biez pradmoŭ namiakajuć, dzie my žyviom i kudy ciapier patrapili.

— Kožny hladač pavinien vyrašyć dla siabie sam, što jon ubačyć za hetymi dźviaryma. Ci adčynicca parnik? Heta uvachod abo vychad? U nas była ideja stvaryć dziŭnuju prastoru, ź pieršaha pohladu niezrazumiełuju — jak i Biełaruś u svajoj raznastajnaści.

Raspaviadać pra historyi fotazdymkaŭ Siarhiej, mabyć, nie pryvyk. U pryncypie, heta možna rastłumačyć: jomista i vostra pra ŭsio ŭžo skazała karcinka. Ale ab adnym zdymku Siarhiej raspavioŭ vydatnuju ŭ svajoj absurdnaści historyju.

Fota: Viera Fiadotava dla TUT.BY

Fota: Viera Fiadotava dla TUT.BY

— Heta fota — ź sieryi «Suprematyčny horad», jakaja zaradziłasia vypadkova. Voś zdymak, dzie žančyna zafarboŭvaje pratestnaje hrafici. U Nacyjanalnym mastackim muziei ŭ 2014 hodzie adbyłasia vystava Zabor, dzie ekspanavałasia hetaja sieryja. Adzin z elemientaŭ fatahrafii — bieł-čyrvona-bieły ściah — byŭ adredahavany rabotnikami muzieja. Jany jaho zafarbavali, kab pierastrachavacca, mabyć. Padabrali blizki koler, ale da kanca nie schavali jaho, možna adhadać, što tut. Tak atrymałasia, što pobač byŭ śviedka, jaki sa śpiny źniaŭ, jak zamaloŭvajuć ściah. U vyniku atrymałasia rekursiŭnaje videa: žančyna zafarboŭvaje fatahrafiju, na jakoj žančyna zafarboŭvaje nadpis. My hetuju pracu paviesili ŭ darahuju muziejnuju ramu, kab pieradać pryvitańnie Nacmuzieju, a pobač pastavili televizar, jaki budzie pakazvać videa.

Fotazdymak nadrukavany na tannym materyjale, ale paśla redahavańnia jon staŭ čymści inšym. I jość žadańnie zachoŭvać jaho dalej.

— Maniekieny — jašče adna sakretnaja častka vystavy, novy miedyum, — tłumačyć zadumki kamandy Siarhiej. — Fota, jakija tut pradstaŭleny, u asnoŭnym užo bačyli. My chacieli pakazać ich u inšaj jakaści i vyhladzie. Zdymki ź inšych prajektaŭ my pieratvaryli ŭ rečy, jakija buduć nadzietyja na maniekieny. Realnaść moža być adlustravana ŭ fatahrafii, a potym fotazdymak pieratvarajecca ŭ inšyja sensy i pryznačeńni. Heta atrymajecca historyja pra vobrazy, jakija pieratvarajucca ŭ rečy. Darečy, usio na vystavie pradajecca. Buduć i paštoŭki ź sieryi «Mi(je)nsk» u nievialikim tyražy, jakija stanuć vip-kvitkami.

Fota: Viera Fiadotava dla TUT.BY

Fota: Viera Fiadotava dla TUT.BY

«Biełaruś hatovaja źmiaścić u sabie i Dažynki, i FSP»

Kuratar vystavy Antanina Sierakova daŭno znajomaja ź Siarhiejem i zapeŭnivaje, što ŭ jaho zdymkach niama złoj ironii i śmiechu, jak moža spačatku zdacca hledačam. Jon nie kanstrujuje, a fiksuje momanty i padziei. I kali jany nie ŭpisvajucca ŭ asabistyja ŭjaŭleńni ab biełaruskaj śvietabudovie, ad hetaha, navat pry samym mocnym žadańni, jany nie pierastanuć isnavać.

Fota: Viera Fiadotava dla TUT.BY

Fota: Viera Fiadotava dla TUT.BY

— Fatahrafija — heta zaŭsiody optyka, — raspaviadaje Antanina. — Adzin i toj ža jabłyk možna źniać dvanaccaćciu roznymi sposabami, u zaležnaści ad taho, što my chočam pakazać. A vakoł temy «Biełaruś» my nie viedajem, z čaho pačać, jak jaje źniać. Tamu kožny raz, kali my prydumlajem niejkija teoryi: Biełaruś jak jeŭrapiejskaja kraina, jak sielskahaspadarčaja, sacyjalna aryjentavanaja, ajcišnaj dziaržava, Kastryčnickaja jak maleńki Bierlin — rychtujem siabie na pravał. Ni adna tatalnaja kancepcyja nie pracuje da kanca. Zdymiem my, da prykładu, što adbyvajecca na Kastryčnickaj. Ale heta nie daść adkazu na pytańnie, što takoje Biełaruś. Mienavita ŭsio razam stvaraje dla nas ahulnuju karcinku z mazaik, kadraŭ, supiarečlivych adzin adnamu. Biełaruś hatovaja źmiaścić u siabie i Dažynki, i FSP. Heta značyć, pa sutnaści, Biełaruś — heta i toje, i druhoje. Jakraz tamu, što my znachodzimsia ŭ stanie pierachodu. Na fotazdymkach Minska heta dobra bačna.

Kali: z 5 pa 28 žniŭnia.

Dzie: CECH (vuł. Kastryčnickaja, 16).

Kolki: 5 rubloŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?