«Biełhazprambank» padčas ekśpierymientu inkasavaŭ nievialikuju sumu najaŭnych srodkaŭ z dapamohaj drona. Za ekśpierymientam nazirali kirujučyja supracoŭniki kamiercyjnaha banka, Nacbanka, a taksama zaprošanyja žurnalisty.

Fota onliner.by. Bolš fota tut >>>

Na vačach u prysutnych bieśpiłotnik zabraŭ nievialikuju sumu hrošaj kala hałaŭnoha ofisa «Biełhazprambanka» i dastaviŭ jaje pa pavietry na terytoryju partniora banka (aŭtamabilnaha doma «Enierhija HmbCh»). Paśla hetaha dron inkasavaŭ nievialikuju sumu hrašovych srodkaŭ u aŭtadylera i taksama dastaviŭ jaje ŭ bank.

Adlehłaść, jakuju pieraadoleŭ pa pavietry bieśpiłotnik u abodva baki, skłała kala 7 kiłamietraŭ, čas palotu ŭ adzin bok — kala 10 chvilin.

Na pres-kanfierencyi, jakaja adbyłasia paśla ekśpierymientu, kiraŭnik «Biełhazprambanka» Viktar Babaryka adznačyŭ, što ličyć technałohiju inkasacyi hrašovych srodkaŭ z dapamohaj dronaŭ pierśpiektyŭnaj.

«Na inkasatarskuju mašynu koštam 100 tys. dołaraŭ možna kupić 20 dronaŭ», — padkreśliŭ Babaryka. Jon taksama ŭdakładniŭ, što novaja technałohija dazvalaje zekanomić na pracavydatkach pry inkasacyi hrašovych srodkaŭ tradycyjnym sposabam z vykarystańniem inkasatarskich mašyn (na apłatu pracy achoŭnikaŭ i kiroŭcaŭi h.d.).

Kiraŭnik «Biełhazprambanka» adznačyŭ, što pačać kamiercyjnaje vykarystańnie novaj technałohii banku nie dazvalajuć prabieły ŭ zakanadaŭstvie.

«Što nas spyniaje siońnia ŭ hetym kirunku — adsutnaść pravavoha pola. Kali prabieły ŭ zakanadaŭstvie buduć likvidavanyja, pačniecca burnaje vykarystańnie dronaŭ z kamiercyjnymi metami. Pazicyja pradstaŭnikoŭ Nacbanka pa hetym pytańni nas ciešyć — jany kažuć: čamu nie, heta cikava», — adznačyŭ Viktar Babaryka.

U pierśpiektyvie, dadaŭ jon, śfiera vykarystańnia bieśpiłotnych latalnych pryład moža być pašyranaja. «Usio, što źviazana ź pieramiaščeńniem kaštoŭnaściaŭ, možna takim čynam aŭtamatyzavać», — reziumavaŭ kiraŭnik «Biełhazprambanka».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?