Da kanca žniŭnia vizavy centr pasolstva Łatvii ŭ Biełarusi (TAA Pony express) budzie afarmlać vizy dzieciam da 11 hadoŭ uklučna bieź źbirańnia servisnaha zboru, havorycca na sajcie vizavaha centra.

Jak paviedamiŭ kiraŭnik konsulskaha adździeła pasolstva Łatvii ŭ Biełarusi Marcys Maksims, rašeńnie ab časovym skasavańni servisnaha zboru «pryniata sumiesna z metaj dać biełaruskim siemjam bolš mahčymaściaŭ dla adpačynku ŭ apošni miesiac leta».

«Spadziajusia, naša prapanova ab časovaj admienie servisnaha zboru stanie dadatkovym stymułam naviedać haścinnuju Łatviju hetym letam», — skazaŭ jon.

Dypłamat adznačyŭ, što inicyjatyva vizavaha centra i pasolstva Łatvii padtrymlivaje pazityŭnuju tendencyju apošnich hadoŭ, u chodzie jakich biełaruska-łatvijskija adnosiny značna ŭmacavalisia. I raźvićcio turyzmu adyhryvaje tut nie apošniuju rolu, ličyć jon. Pavodle infarmacyi łatvijskaha pasolstva, paviedamiŭ Maksims, cikavaść biełarusaŭ vyjazdžać na adpačynak da prybałtyjskich susiedziaŭ štohod pavialičvajecca.

«Łatvija i Biełaruś u apošnija hady paśpiachova realizujuć roznyja sumiesnyja prahramy, — padkreśliŭ jon. — Pamiž našymi krainami nazirajecca pazityŭnaja dynamika supracoŭnictva ŭ kulturnaj, handlova-ekanamičnaj, palityčnaj śfierach, a taksama ŭ halinie turyzmu. Heta vielmi važny momant ŭmacavańnia našych adnosin. My zaŭsiody rady bačyć žycharoŭ Biełarusi na bierazie Bałtyjskaha mora i spadziajemsia pakazać haściam krainy ŭsio samaje lepšaje, što ŭ nas jość».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?