Biełaruskaja čyhunka sumiesna z polskimi kalehami ŭ vieraśni płanuje zapuścić ciahnik Hrodna-Varšava-Krakaŭ, paviedamiŭ siońnia žurnalistam pieršy namieśnik načalnika pasažyrskaj słužby BČ Andrej Kaško.

«Raście abjom pieravozak pasažyraŭ u Polšču. U płanach z polskimi čyhunačnikami — realizavać prajekt pa adpraŭcy ciahnika z Hrodna praz Varšavu ŭ Krakaŭ pa kankurentnaj canie. Realizacyja płanujecca na vierasień, ale ŭsio budzie zaležać ad našych kaleh», — adznačyŭ Andrej Kaško.

Što tyčycca pieravozak unutry krainy, to Andrej Kaško raspavioŭ, što viadziecca praca pa pavieličeńni chutkaściaŭ ruchu i prymianieńni sučasnaha matoravahonnaha ruchomaha sastavu ŭ dzionnym ruchu, kab paskoryć pierasoŭvańnie pasažyraŭ pamiž stalicaj i abłasnymi centrami.

«Praz dva tydni budziem na homielskim kirunku paskarać ciahniki. Adbudziecca zamiena jašče adnaho ciahnika Homiel-Minsk. Pryjdzie novy elektraruchomy sastaŭ «Štadler». Skarocicca čas znachodžańnia pasažyraŭ u darozie na 1,5-2 hadziny», — skazaŭ Andrej Kaško.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?