Tureckija ŭłady vydali ordar na aryšt apazicyjnaha prapaviednika Fietchuły Hiulena pa spravie ab sprobie dziaržaŭnaha pieravarotu, paviedamlajuć miascovyja ŚMI.

Sud u Stambule pastanaviŭ zavočna aryštavać Hiulena, jaki žyvie ŭ ZŠA, abvinavaciŭšy jaho ŭ arhanizacyi buntu 15 lipienia, paviedamiła dziaržaŭnaje ahienctva «Anadału».

Turcyja nieadnarazova zaklikała Złučanyja Štaty ekstradavać Hiulena. Jon admaŭlaje svaju datyčnaść da sproby pieravarotu.

Paśla sproby putču pa krainie prakaciłasia chvala aryštaŭ i zvalnieńniaŭ. U pryvatnaści, z vojska byli zvolnienyja kala 1700 vajskoŭcaŭ, abvinavačvańni ŭ sprobie źviaržeńnia ŭłady byli pradjaŭlenyja 99 hienierałam i admirałam uzbrojenych siłaŭ.

Fietchuła Hiulen ličycca ŭ Turcyi druhim pa ŭpłyvie čałaviekam paśla prezidenta Redžepa Taipa Erdahana. Jany byli paplečnikami, kali apošni pryjšoŭ da ŭłady, adnak potym ich šlachi razyšlisia.

U čaćvier Erdahan paabiacaŭ «abrezać usie dziełavyja suviazi» i «pazbavić dachodaŭ» usie kampanii, źviazanyja z Hiulenam.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?