Francyja i Hiermanija abviaścili ŭ 2015 hodzie pra stvareńnie sumiesnaj kampanii pa vytvorčaści braniatankavaj techniki KNDS, i Polšča chacieła b dałučycca da hetaha prajekta.

Pra heta paviedamiŭ ministr abarony Polščy Antoni Maciarevič partału defensenews.com.

defenseforces.com

defenseforces.com

«My viadziom pieramovy pra vytvorčaść i raspracoŭku novaha tanka ŭ kaapieracyi z Hiermanijaj i Francyjaj», — skazaŭ ministr.

KNDS — heta skarot ad abjadnanych nazvaŭ niamieckaj kampanii Krauss-Maffei Wegmann i francuzskaj Nexter Systems, jaki značyć «KMW and Nexter Defense Systems».

Raniej kiraŭnik Nexter Stefan Majer adznačaŭ, što aljans pačaŭ pracu nad pryncypova novaj bajavoj mašynaj, jakaja abjadnaje lepšyja charaktarystyki francuzskich tankaŭ Leclerc i niamieckich tankaŭ Leopard 2.

Ekśpierty časam źviazvali aktyvizacyju niamiecka-francuzskaha tankavaha supracoŭnictva z demanstracyjaj u 2015 hodzie novaha rasijskaha tanka T-14 «Armata».

Aljans ciapier maje bolš za 6 000 supracoŭnikaŭ, abarot 2 miljardy jeŭra ŭ hod i zamovy prykładna na 9 miljardaŭ jeŭra.

Zhodna z paviedamleńniami niamieckich ŚMI, adnym ź pieršych ahulnych prajektaŭ moža stać davoli radykalnaja madernizacyja niamieckaha tanka Leopard 2.

Ciapier Polšča kuplaje niamieckija tanki Leopard 2, kab zamianić svaje madyfikacyi savieckich tankaŭ T-72. Taksama polskaja dziaržaŭnaja kampanija PGZ maje damovu ź niamieckim vytvorcam bajavoj techniki Rheinmetall — abiedźvie kampanii raspracoŭvajuć prajekt dalejšaj madernizacyi dla polskich tankaŭ Leopard 2.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?