Fota Siarhieja Hudzilina. Z archiva «NN».

Fota Siarhieja Hudzilina. Z archiva «NN».

Inicyjatyvu paviesić šyldu prajaviŭ žurnalist Hleb Łabadzienka.

Ciapier idzie kampanija pa zboru srodkaŭ na płatformie talaka.by.

«Heta taja praca, jakuju treba rabić bieź niejkich dataŭ, bieź niejkich nahodaŭ», — skazaŭ Łabadzienka Svabodzie.

Aŭtaram memaryjalnaj šyldy maje stać Ihar Zasimovič. Jon rabiŭ kryž na mahile Baradulina, pomnik-mieč u pamiać paŭstancaŭ 1863 hodu na Astravieččynie.

«Skulptar byŭ na miescy, i my abmiarkoŭvali budučuju šyldu, — kaža Łabadzienka. — Samaje važnaje, što Valancina Michajłaŭna, žonka Baradulina, taksama nie suprać, kab jon heta rabiŭ. Joj vielmi spadabałasia, jak atrymałasia mahiła Ryhora Baradulina».

Fota Siarhieja Hiezhały. Z archiva «NN».

Fota Siarhieja Hiezhały. Z archiva «NN».

Šylda budzie mieć pamiery kala 1x1 m i važyć kala 100 kh. Bolšaja častka sumy pojdzie na bronzu — jana darahaja, 25 dalaraŭ za 1 kh.

«Kali my źviarnulisia na skulpturny kambinat pry Sajuzie mastakoŭ, nam nazvali košt 10 tysiač dalaraŭ, — kaža Łabadzienka. — Heta z pracaj architektara i skulptara, samoj šyldaj. Ale my skaracili sumu amal utraja».

Užo na hetym tydni skulptar pradstavić niekalki makietaŭ šyldy ŭ Biełaruski sajuz mastakoŭ i Valancinie Baradulinaj. Jak tolki źbiaruć hrošy, pačniecca praca nad skulpturaj.

«Vielmi spadziajusia, što adhuknucca biełarusy, jakija žyvuć za miažoj, — kaža Łabadzienka. — Tut u Biełarusi ciažka budzie sabrać takuju sumu. Zrazumieła, što ŭ nas uzrovień žyćcia taki, što čałaviek nie moža dastać z kišeni 100 dalaraŭ i achviaravać. Tamu dziakuj tym, chto achviaruje 5 ci 10 rubloŭ».

Akramia šyldy sioleta Łabadzienka taksama płanuje ŭstalavać niekalki infarmacyjnych stendaŭ pra piśmieńnika ŭ Vušačach. Dva stendy, kala chaty Baradulina i jahonaj mahiły, užo ŭstalavanyja. Pieradali šyldu i škole, dzie vučyŭsia Baradulin. Adnak jaje nie paviesili na budynku, a addali ŭ školny muziej.

«Treba nie załomvać ruki, što niešta nie nazvana ŭ honar Baradulina, a dumać, što my možam zrabić sami. Dumajem pravieści tałaku sa słuchačami kursaŭ «Mova Nanova»: prybrać kala chaty, trochi płot paramantavać».

Клас
0
Панылы сорам
0
Ха-ха
0
Ого
0
Сумна
0
Абуральна
0