U šviejcarskim Ńjonie prajšło losavańnie stadyi płej-of futbolnaj Lihi Jeŭropy. Biełaruś tam pradstaŭlaje adna kamanda – barysaŭski BATE.

Supiernik našamu kłubu vypała FK «Astana» z Kazachstana. «Astana» zasnavanaja ŭ 2009 hodzie. U 2014 i 2015 hadach kamanda stanaviłasia čempijonam Kazachstana. Letaś naš supiernik prymaŭ udzieł u hrupavym etapie Lihi čempijonaŭ. U hrupie z partuhalskaj «Bienfikaj», ispanskim «Atletyka» i tureckim «Hałatasarajem» było nabrana 4 punkty. U składzie «Astany» hulaje biełarus Ihar Šytaŭ.

«Astana», jak i BATE, zvaliłasia ŭ Lihu Jeŭropy ź Lihi čempijonaŭ. Spačatku kazachi pieramahli litoŭski «Žalhirys», a paśla sastupili šatłandskamu «Siełtyku».

BATE adnojčy ŭžo hulaŭ z kamandaj z Kazachstana. U 2013 hodzie naša kamanda sastupiła karahandzinskamu «Šachcioru» – 0:1, 0:1. Jość mahčymaść uziać revanš.

Pieršaja hulnia adbudziecca 18 žniŭnia ŭ Astanie, 25 žniŭnia – u Barysavie. Pieramožca pary budzie hulać u hrupavym etapie Lihi Jeŭropy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?