Pahrozu vyjavili 4 žniŭnia, i jana dahetul aktualnaja. Virus maskirujecca pad abnaŭleńnie dla braŭziera — škodnasny dadatak nazyvajecca last-browser-update.apk, adnak achoŭnyja rašeńni «Łabaratoryi Kaśpierskaha» raspaznajuć u im adnaho z pradstaŭnikoŭ siamiejstva trajancaŭ Svpeng.

Bankaŭski trajaniec traplaje da karystalnikaŭ praz asablivaści rekłamnaj sietki Google AdSense, z dapamohaj jakoj mnohija sajty pakazvajuć tarhietavanuju rekłamu. Pry naviedvańni staronki z hetaj «rekłamnaj abjavaj» karystalnik zahružaje na svaju pryładu škodnasnuju prahramu.

Bankaŭskija trajancy siamiejstva Svpeng mohuć kraści infarmacyju pra bankaŭskija karty karystalnika z dapamohaj fišynhavych voknaŭ, pierachoplivać, vydalać i adpraŭlać tekstavyja paviedamleńni. Akramia taho, virus źbiraje vialikuju kolkaść dadzienych z telefona karystalnika — historyju zvankoŭ, tekstavych i multymiedyjnych paviedamleńniaŭ, kantakty i zakładki braŭziera.

Kali vaš smartfon zapampavaŭ taki fajł, ni ŭ jakim razie nie ŭstanaŭlivajcie jaho. Kali vy ŭsio ž taki jaho ŭstanavili — zapuścicie pravierku mabilnaha antyvirusa.

Paśla hetaha na ŭsialaki vypadak pažadana źmianić parol ad ulikovych zapisaŭ Google i dadatka dla internet-bankinhu.

Клас
0
Панылы сорам
0
Ха-ха
0
Ого
0
Сумна
0
Абуральна
0