Dobry dzień, darahaja redakcyja!
Pišu Vam list ab tym, jak na roŭnym miescy stvarajucca prablemy. Mižvoli staŭšy karystalnikam kartki VTB (praz hety bank vypłačvajecca zarobak na pracy), vymušany byŭ nazirać, jaki ździek adbyvajecca pry karystańni pasłuhami banka: to niemahčyma pakłaści hrošy na telefon praz kartku (zboj zapytu), niama biełaruskaj movy ŭ bankamatach absłuhoŭvańnia, to telefanuješ udakładnić, dzie kankretna na vuł. Niamiha, 10 bankamat, a supracoŭnik banka nie viedaje.
Ja pracuju nočču, tamu vielmi razdražniajuć zvanki supracoŭnikaŭ banka ŭ 11 dnia z metaj naviazać «Avierdraft», kali ja jašče splu paśla źmieny.
Samaja dziŭnaja historyja zdaryłasia sa mnoj 20 maja 2016 hoda. Vyrašyŭšy źniać hrošy z bankamata, ja nie atrymaŭ nazad svaju kartku — adbyŭsia niejki zboj u pracy. Patelefanavaŭšy pa numary na bankamacie, ja jaje zabłakavaŭ — supracoŭnica skazała, što maksimum praz 2 tydni inkasacyja zabiare kartku ja i zmahu atrymać jaje nazad.
Potym pačalisia mytarstvy z vyjaŭleńniem miescaznachodžańnia kartki — ofis pa absłuhoŭvańni bankamata na Burdziejnaha, 6 (tam zastałasia kartka) pierasyłaŭ na ofis, dzie ja atrymlivaŭ kartku, a toj, u svaju čarhu, pierasyłaŭ da hałaŭnoha ofisa. Na maim mabilnym telefonie aŭtaadkaźnik źviazvaŭ mianie z supracoŭnikam tolki pry nabory haradskoha koda (017) pry nabory koda MTS – naciskańnie knopak dla suviazi z supracoŭnikam nie mieła sensu.
U vyniku ja straciŭ šmat hrošaj i času, doŭha čakajučy razmovy z supracoŭnikami i słuchajučy infarmacyju aŭtaadkaźnika. U červieni ja pajechaŭ na ofis (dzie pieršapačatkova atrymaŭ kartku), kab źniać najaŭnyja hrošy. Kamisija skłała 30 tysiač rubloŭ, chacia majoj viny va ŭsim hetym zdareńni nijakaj nie było. Tam skazali, što niama sensu rabić novuju kartku i ja chutka atrymaju staruju. Try razy, padčas telefonnych razmoŭ, mnie prychodziłasia pryvodzić dokazy, što VTB maje bankamat pa adrasie Burdziejnaha, 6, chacia jany sami pavinny heta viedać.
Adnoj supracoŭnicy banka (23 červienia 2016 — praź miesiac), jakaja nie zmahła znajści bankamat na Burdziejnaha, 6, padčas razmovy pa telefonie ja skazaŭ što «zaraz pabaču sam, ci jość bankamat na Burdziejnaha, 6» jana skazała «Dobra» i praz chvilinu spytała «Nu što, znajšli?» (hetaja nachabnaść stała apošniaj kroplaj da napisańnia hetaha artykuła).
Potym jana mnie skazała, što maja kartka zabłakavanaja z paznakaj «Strata» — tre' było jechać adnaŭlać jaje. Novuju kartku ja ŭžo atrymaŭ, ale chaciełasia b, kab hetuju historyju viedali čytačy «Našaj Nivy». Dziakuj.
