Kniharnia «Halijafy» adnajmiennaha vydaviectva znajšła novaje pamiaškańnie.
Pra heta paviedamlaje ŭ fejsbuku adzin z supracoŭnikaŭ kniharni.
Sa śniežnia 2015 hodu da červienia 2016-ha kniharnia pracavała ŭ adnym z budynkaŭ Trajeckaha pradmieścia pa adrasie Staravilenskaja, 6. Adnak u červieni kniharnia začyniłasia. Dyrektar vydaviectva «Halijafy» Źmicier Višnioŭ raspavioŭ tady, što kniharnia nieŭzabavie adkryjecca ŭ novym pamiaškańni, taksama ciaham miesiaca zapracuje anłajn-kniharnia.
«Heta z abjektyŭnych pryčynaŭ — była «niepadjomnaja» arendnaja płata, — kazaŭ Višnioŭ. — Kali b rabili płatnyja mierapryjemstvy — heta adno, ale ž my namahalisia być hetkim sacyjalnym prajektam, tamu vychodziła ciažka. Ale ž vydaviectva pracuje, novyja knihi vychodziać».
Jak kazaŭ dyrektar «Halijafaŭ», vydaviectva spadziavałasia na «adekvatny košt» arendy pamiaškańnia dla kniharni i mahčymyja źnižki, ale cana zastałasia zavialikaj.
Novy adras «Halijafaŭ» — vuł. Niamiha, 3, pavilon 66.
