Nastaŭniki ŭ Mahiloŭskaj vobłaści buduć uzvažvać partfieli vučniaŭ, kab nie dapuścić pieravyšeńnia nahruzki na dziaciej.

«My viadziem pracu z baćkami i nastaŭnikami, kab nie dapuścić pieravyšeńnia nahruzki na dziaciej u častcy pieranosu ciažaraŭ, — zajaviła 18 žniŭnia na pres-kanfierencyi hałoŭny dziaržaŭny sanitarny ŭrač Mahiloŭskaj vobłaści Śviatłana Niačaj. — Źviartajem uvahu na toje, jaki partfiel pavinien być, jaki ab`iom padručnikaŭ tam moža być u razrezie uzrostavych katehoryj pa kiłahramam, što i jak nieabchodna zachoŭvać na pracoŭnych miescach, dadatkovyja kamplekty padručnikaŭ, jakija jość na pracoŭnych miescach va ŭstanovach adukacyi».

Pavodle słoŭ Niačaj, važna, kab baćki kuplali dzieciam takija rancy, jakija majuć žorstkuju śpinku, a ich vaha składaje 700 hramaŭ dla vučniaŭ pačatkovych kłasaŭ i nie bolš za kiłahram — dla astatnich.

«Nastaŭniki buduć uzvažvać hetyja partfieli. Z našaha boku vybaračnyja pravierki taksama buduć pravodzicca. Tamu što ŭmovy stvoranyja — jość dzie zachoŭvać padručniki, jość dadatkovyja kamplekty padručnikaŭ, i niama čaho dziciaci ciahać hety zališni ciažar, parušajučy pastavu», — skazała Niačaj.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?