Viačasłaŭ Vasileŭski z ŁDPB zadekłaravaŭ dachodaŭ za minuły hod na sumu 1 miljard 48 miljonaŭ 312 tysiač 169 rubloŭ. Pa kursie 2015 hoda Vasileŭski atrymlivaŭ u siarednim za miesiac 5500 dalaraŭ.

Na siońniašni dzień, pakul nie nadrukavanyja źviestki ab dachodach kandydataŭ u deputaty pa Minsku, možna kazać, što heta samy bahaty z pretendentaŭ trapić u parłamient.

Vasileŭski źjaŭlajecca dyrektaram Tavarystva z abmiežavanaj adkaznaściu «Haradskaja rekłama». Jak možna zrazumieć z nazvy, kampanija zajmajecca raźmiaščeńniem vonkavaj rekłamy ŭ Minsku, rekłamy na tele- i radyjokanałach.

Aproč taho, Vasileŭski vałodaje dalami ŭ statutnych fondach cełaha šerahu kampanij, jak «Jeŭraford», «Kvatra Stok», «Bavareks», «VientŚpiecMantaž», «TechcentJeŭropa», jakija zajmajucca jak pastaŭkami aŭtamabilnaha načyńnia, hetak i roźničnym handlem inšymi praduktami.

Taksama ŭ vałodańni kandydata jość dva aŭtamabili i matornaje sudna.

Adznačym, što ŭ Kapylskaj akruzie inšyja kandydaty taksama vyhladajuć nie samymi biednymi, ale da ŭzroŭniu dachodaŭ Vasileŭskaha jaŭna nie daciahvajuć.

Kandydatam ad ułady pa akruzie idzie namieśnica ministra sielskaj haspadarki Ludmiła Niževič. Jaje hadavy dachod składaje 263 miljony rubloŭ, albo kala 22 miljonaŭ štomiesiac.

Niakiepska vyhladaje i vyłučeniec ad apazicyi — indyvidualny pradprymalnik Źmicier Kaśpiarovič. Letaś jon zarabiŭ 192 miljony. Kaśpiarovič — siabra Partyi BNF, były palitviazień.

Pradstaŭnica BRSM i Kamunistyčnaj partyi Vieranika Bahieša letaś zarabiła 92 miljony.

U sacyjalnych sietkach Viačasłaŭ Vasileŭski pościć u asnoŭnym fotazdymki z adpačynkaŭ, ci heta padarožža ŭ Barsiełonu, ci palavańnie, ci rybałka, ci strajkboł. A taksama aktyŭna prapahanduje svaju dačku Anhielinu Vasileŭskuju, jakaja biespaśpiachova sprabavała prabicca na dziciačaje Jeŭrabačańnie-2015.

Ukantakcie spadar Vasileŭski padpisany adnačasova na supołki «Słava Rośsii» i «Maja kraina Biełaruś».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?