Pra heta, jak pieradaje karespandent ahienctva «Minsk-Naviny», na pres-kanfierencyi 18 žniŭnia paviedamiŭ načalnik Departamienta vykanańnia pakarańniaŭ MUS Biełarusi Siarhiej Daroška. Bolšaja častka sumy idzie na ŭtrymańnie asudžanaha i pahašeńnie pryčynienaj im škody. Na ruki ž asudžany ŭ siarednim atrymlivaje kala 51 rubla z ulikam denaminacyi.

— U kryminalna-vykanaŭčaj sistemie MUS funkcyjanujuć 14 pradpryjemstvaŭ, 3 filijały i 10 pazabiudžetnych vytvorčych majsterniaŭ, — adznačyŭ S. Daroška. — Drevaapracoŭčyja pradpryjemstvy vyrablajuć bolš za 830 najmieńniaŭ pradukcyi: zruby, altanki, mebla, spalnyja harnitury i hetak dalej. Mietałaapracoŭčyja pradpryjemstvy śpiecyjalizujucca na vypusku zapčastak dla aŭtamabilaŭ i sielskahaspadarčaj techniki, a taksama mietaličnych kanstrukcyj. Šviejnaja i abutkovaja vytvorčaści vyrablajuć śpiecvopratku, ryštunak dla siłavych struktur i inšaje. Ciapier z Kalininhradskaj vobłaściu abmiarkoŭvajecca mahčymaść stvareńnia ŭ adnym z vypraŭlenčych ustanoŭ Hrodzienskaj vobłaści vytvorčych płoščaŭ dla hrubaj apracoŭki burštynu. Paśla kamień budzie vykarystany pry stvareńni ŭpryhožańniaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0