Biełaruski Centr stratehičnych i zamiežnapalityčnych daśledvańniaŭ apublikavaŭ dakład «Biełaruś u kantekście supraćstajańnia Rasija—NATA», u jakim nazvaŭ najvažniejšaj zadačaj biełaruskich uładaŭ paźbiahać uciahvańnia Minska ŭ zamiežnapalityčnyja avantury Kramla.

Fota z archiva 103-j hvardziejskaj asobnaj mabilnaj bryhady.

Fota z archiva 103-j hvardziejskaj asobnaj mabilnaj bryhady.

«Rasijski bok robić niezvyčajnyja kroki pa naroščvańni vajskovaj prysutnaści na zachodnim i paŭdniova-zachodnim kirunkach dla supraćstajańnia z NATA, jakija ŭ tym liku stvarajuć ryzyku dla suvierenitetu, niezaležnaści i nacyjanalnaj biaśpieki Respubliki Biełaruś», — havorycca ŭ dakładzie.

Maskva płanuje vykarystać i terytoryju Biełarusi dla stvareńnia zvyčajnaj vajennaj i hibrydnaj pahrozy dla zachodnich krain i Ukrainy, adznačajuć aŭtary dakłada Jury Caryk i Arsień Sivicki.

U suviazi z hetym Minsku varta praciahvać svaju šmatviektarnuju zamiežnuju palityku, zachoŭvajučy ŭdzieł u intehracyjnych inicyjatyvach z udziełam Maskvy, ale adnačasova narmalizujučy suviazi ź ES i ZŠA, a taksama raźvivajučy partniorstva z Kitajem i supracoŭnictva z Ukrainaj.

Varta praciahvać madernizacyju Uzbrojenych Sił Respubliki Biełaruś, rychtavacca da abarony niezaležnaści ŭ vypadku kanviencyjnaj ci hibrydnaj ahresii ź luboha boku.

U toj ža čas, ličać ekśpierty, varta ŭ zakanadaŭstvie zamacavać pryncyp admovy ad raźmiaščeńnia zamiežnych vajskovych baz, zabaranić zvarot da luboj zamiežnaj dziaržavy pa ŭzbrojenuju dapamohu «dla sadziejničańnia adnaŭleńniu kanstytucyjnaha paradku», a taksama raspracavać tak zvany «Patryjatyčny akt».

Pavodle mierkavańnia aŭtaraŭ, dakumient, u jakim fiksujecca dziaržaŭnaja niezaležnaść jak najvyšejšaja kaštoŭnaść, pavinien padpisvacca ŭsimi dziaržaŭnymi słužačymi, vajskoŭcami i supracoŭnikami dziaržaŭnych arhanizacyj.

Клас
0
Панылы сорам
0
Ха-ха
1
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?