U efiry «Biełaruś-3» byli pakazanyja pieršyja staličnyja debaty — pa Šabanoŭskaj akruzie №91. U ich udzielničali dziejnaja deputatka Aksana Niachajčyk, a taksama dvoje apazicyjanieraŭ — Alaksandr Buchvostaŭ ad «Spraviadlivaha śvietu» i chryścijanski demakrat Alaksandr Kavalkoŭ ad AHP.

Aksana Niachajčyk. Fota Minsknews.by

Aksana Niachajčyk. Fota Minsknews.by

Debaty byli małacikavyja, adziny cikavy momant zdaryŭsia, kali Niachajčyk vyrašyła pierajści na asoby. Sprava ŭ tym, što dačka Kavalkova Volha bałatujecca pa Dambroŭskaj akruzie №103.

— Na kolki ja viedaju, vaša dačka bałatujecca pa inšaj akruzie. Vy ličycie, što ŭ parłamiencie pavinna być pradstaŭlenaja siamiejnaja dynastyja? — pakpiła Niachajčyk.

— Siamiejnaja dynastyja? Darujcie, u nas jašče niama siamiejnaj dynastyi… — razhubiŭsia Kavalkoŭ.

— Nu što, ale dačka vaša, siamja adna… — udakładniła deputatka.

— Maja dačka? Ja jaje padtrymlivaju. Tamu što napieradzie žančyny zaŭsiody pavinien być mužčyna, na jakoha jana budzie abapiracca. Ja jak baćka zaŭsiody chaču dapamahčy. My, baćki, zaŭsiody chočam dapamahčy dzieciam. My viedajem, jak zajmacca palitykaj u našaj krainie, — zapeŭniŭ apazicyjanier.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?