U siaredzinie lipienia biełaruskija i mižnarodnyja sajty ablacieŭ fotazdymak, jak dvoje maładzionaŭ ranicaj zajmajucca seksam na vulicy Skrypnikava ŭ Sucharavie.
Litaralna praz paru dzion pradstaŭniki HUUS Minharvykankama paviedamili, što nijakaha seksu ŭ minskim mikrarajonie nie było.
«Va UUS administracyi Frunzienskaha rajona Minska pa hetym fakcie była pryznačanaja pravierka, padčas jakoj vyśvietliłasia, što zdymak nie maje dačynieńnia da Frunzienskaha rajona Minska. Pa słovach aŭtara publikacyi, fatahrafija prosta była ŭziataja ź sietki internet. Pachodžańnie zdymka nieviadomaje», — havoryłasia ŭ paviedamleńni.
Adnak praź miesiac sprava niečakana atrymała praciah. 12 žniŭnia na telekanale «Biełaruś-1» byŭ pakazany repartaž pra zatrymańnie ŭdzielnikaŭ publičnaha seksu. Było paviedamlena, što Śledčy kamitet zavioŭ kryminalnuju spravu pa artykule 339 «Chulihanstva, ździejśnienaje hrupaj asobaŭ».
Supracoŭnik HUBAZiK paviedamiŭ, što ŭdzielnikami incydentu stali 17-hadovaja dziaŭčyna i 19-hadovy chłopiec. Apošni taksama źjaŭlajecca futbolnym fanatam. Byli prademanstravanyja kadry ź jaho kvatery z mnostvam nalepak i vympiełaŭ minskaha «Dynama».
Chłopiec byŭ zatrymany, a jahonuju kvateru pieratreśli.
Źviartaje ŭvahu, što jašče zadoŭha da materyjała na «Biełaruś-1» źjaviłasia publikacyja na supołcy levaj moładzi «Naša sprava». I ŭ joj taksama havaryłasia, što ŭdzielnikami publičnaha seksu staŭ fanat minskaha «Dynama», pryvodziacca taksama niekalki jahonych zdymkaŭ.
Na pryviedzienych fotazdymkach jon u tym samym adzieńni, što byŭ padčas pałavoha akta — u znakamitym «Najku».
Pa našaj infarmacyi, fihurant kryminalnaj spravy adpuščany z-pad varty, ale kryminalnaja sprava jašče nie spynienaja.
Pavodle infarmacyi «Našaj Nivy», fihuranty spravy paśla viečarynki z ałkaholem miłavalisia na kvatery svajaka. Ale toj pryjšoŭ z načnoj źmieny i vypraviŭ kachankaŭ upročki. Jany nie znajšli ničoha lepšaha, jak praciahnuć lubimuju spravu na tratuary.
