Kandydat u deputaty Pałaty pradstaŭnikoŭ, sustaršynia kampanii «Havary praŭdu» Taćciana Karatkievič 19 žniŭnia ŭ svaim vystupleńni na telekanale «Biełaruś 3» zaklikała vybarščykaŭ zrabić «chaj i niebahaty, ale vybar».

U pryvatnaści, Karatkievič zaklikała prahałasavać nie za kandydataŭ ad partyi čynoŭnikaŭ, jakija buduć vykonvać zahady i słuchać svaich načalnikaŭ, a za alternatyvu im, jakuju jana pradstaŭlaje.

Kandydat u deputaty adznačyła, što vykarystoŭvaje lubuju mahčymaść, kab zrabić hołas vybarščykaŭ macniejšym, a ich mety dasiahalnymi. Pavodle jaje słoŭ, hałoŭny dokaz taho, što deputat pavažaje svaich vybarščykaŭ, heta toje, što jon kaža praŭdu i robić toje, što abiacaje. «Chaj nie adrazu my vyrašym usie prablemy, ale ja abiacaju, što nie budu maŭčać, budu kazać praŭdu i prajaŭlać inicyjatyvu dla vyrašeńnia našych šmatlikich prablem», — skazała Karatkievič. 

Jana adznačyła, što mnohija vybarščyki nie chočuć iści hałasavać, bo nie vierać vybaram, deputatam i čynoŭnikam. U toj ža čas jana zaklikała pryjści 11 vieraśnia na vybarčyja ŭčastki, kab prahałasavać za sučasnaść i budučyniu ŭ rukach nie partyi čynoŭnikaŭ, a «ŭ našych z vami».

Karatkievič bałatujecca pa Kastryčnickaj akruzie Minska № 97. Pa hetaj akruzie taksama vyłučajucca načalnik stancyi Minsk-Pasažyrski UP «Minskaje adździaleńnie BČ» Alaksandr Drožža, člen Biełaruskaj patryjatyčnaj partyi Valeryj Klincoŭ, člen Biełaruskaj partyi levych «Spraviadlivy śviet» Valeryj Makaraŭ, člen Kamunistyčnaj partyi Biełarusi Kanstancin Montač i kandydatka ad AHP Hanna Kanapackaja.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?