Zbornaja Jamajki vyjhrała alimpijskuju estafietu 4 pa 100 mietraŭ. U składzie kamandy apošni etap bieh Usiejn Bołt, dla jakoha heta zołata stała trecim u Rya i dziaviatym — na ŭsich alimpijadach. Va ŭsich svaich alimpijskich finałach Bołt byŭ chutčej za kankurentaŭ, zavajavaŭšy zołata ŭ biehu na 100 i 200 mietraŭ, a taksama ŭ estafiecie na troch alimpijadach zapar.
Razam z Usiejn Bołt załatyja miedali za estafietu atrymajuć Asafa Paŭeł, Jochan Błejk i Nikiel Ašmid. Ź ich tolki Błejk ŭdzielničaŭ u toj ža estafiecie čatyry hady tamu ŭ Łondanie. Tady zbornaja Jamajki ŭstanaviła suśvietny rekord, prabiehšy dystancyju za 36,84 siekundy. U hety raz jany byli krychu pavolniejšymi — 37,27 siekundy.
Na druhim miescy ŭ alimpijskaj estafiecie Rya apynułasia zbornaja Japonii, na trecim — Kanada. Pry hetym pa časie treciaje miesca zaniała zbornaja ZŠA, ale jana była dyskvalifikavanaja.
Na troch Alimpijadach — 2008, 2012, 2016 — Bołt braŭ pa try załatyja miedali.
