Načalnik Nacyjanalnaj palicyi Ukrainy Chacija Dekanaidze zajaŭlaje pra adsutnaść vialikaha prahresu ŭ rasśledavańni zabojstva žurnalista Paŭła Šaramieta, ale kateharyčna suprać raskryvańnia lubych detalaŭ rasśledavańnia.
Pavodle jaje słoŭ, jana zasłuchała spravazdaču ab stanie śledstva pa spravie. «Ja nie mahu skazać, što jość vialiki praryŭ, ale jość vielizarnaja rucinnaja praca», — adznačyła Dekanaidze na bryfinhu 19 žniŭnia, paviedamlaje «Ukrainskaja pravda».
«Ja kateharyčna suprać taho, kab detali, jakija jość u rasśledavańni, kab pra ich havaryŭ chto-niebudź: Nacpalicyja, Hienprakuratura, tamu što heta pieraškadžaje rasśledavańniu. Kali niešta budzie, vy pieršyja daviedajeciesia pra heta», — skazała Dekanaidze.
Nahadajem, 10 žniŭnia hienieralny prakuror Ukrainy Juryj Łucenka zajaviŭ, što rasśledavańnie zabojstva Paŭła Šaramieta prasoŭvajecca, ale apublikavać infarmacyju pra heta pakul nielha. «Mnie šmat pra heta viadoma, ale ja nie zmahu z vami hetym padzialicca. Na spravie adnosna Šaramieta nijakaj infarmacyi, jakaja moža być apublikavanaja, niama. U nas jość surjozny ruch u rasśledavańni, ale jon nie źjaŭlajecca publičnym», — cytavała Łucenku «Ukrainskaja pravda».
Raniej paviedamlałasia, što śledstva adpracoŭvała čatyry viersii zabojstva: asabistyja niepryjaznyja adnosiny z zahinułym, prafiesijnaja dziejnaść, destabilizacyja stanovišča ŭ Kijevie i pamyłka (mašyna, u jakoj byŭ uzarvany Šaramiet, naležała ŭładalnicy «Ukrainskoj pravdy» Alenie Prytule).
