BTR raspracavany i vyrablajecca niamieckimi mašynabudaŭničymi i abaronnymi hihantami Krauss-Maffei Wegmann i Rheinmetall Defence.

Kantrakt, jaki chutčej za ŭsio ŭklučaje poŭnaje absłuhoŭvańnie nabytych BTR na šmat hod napierad, kaštavaŭ našamu paŭnočna-zachodniamu susiedu 385,6 młn jeŭra. Heta samaja vialikaja vajennaja zakupka ŭ historyi Litvy, jakaja adnačasova stała pieršym zamiežnym karystalnikam GTK Boxer.

«Novyja BTR zabiaśpiečvajuć lepšuju mabilnaść, abaronazdolnaść i ahniavuju moc dla bataljonaŭ i ŭsioj bryhady. U apieracyjnym sensie my nie tolki atrymlivajem mahčymaść biaśpiečna dastavić da pola boju žaŭnieraŭ, ale i być efiektyŭnymi na poli boju, źniščajučy braniravanyja i niebraniravanyja celi na adlehłaści da 4 km», - skazaŭ kamandujučy Siłami abarony hienierał-lejtenant Jonas Vitaŭtas Žukas.

U armii Litvy mašyna atrymaje imia Vilkas («Voŭk»). Mašyny atrymajuć madyfikavany varyjant izrailskaha bajavoha modula Rafael Samson Mk 2 z 30-mm aŭtamatyčnaj harmataj ATK Orbital Bushmaster Mk 44, sparanym 7,62-mm kulamiotam i puskavoj ustanoŭkaj supraćtankavaha rakietnaha kompleksa Rafael Spike-LR. Dźvie ci čatyry mašyny buduć pastaŭlenyja ŭ kamandna-štabnym varyjancie.

«Vaŭki» pojduć na ŭzbrajeńnie 2 bataljonaŭ 1 miechanizavanaj bryhady «Žalezny voŭk», jakija zaraz majuć staryja husieničnyja BTR M-113, atrymanyja ad niamieckaj armii. Pastaŭki pačnucca ŭ 2017 hodzie, a zakončacca ŭ 2021.

BTR M113, jakija takim čynam vyzvalacca z «Žaleznaha vaŭka», pojduć dla 2-j motapiachotnaj bryhady litoŭskaj armii, jakuju pačali farmiravać ź viasny 2015 hodu.

Paśla rasijskaj ahresii suprać Ukrainy ŭ 2014 hodzie krainy Centralnaj i Uschodniaj Jeŭropy rezka padvysili svaje vydatki na abaronu.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?