Pieramožca Lihi čempijonaŭ UEFA ŭ składzie «Reała» (Madryd) i čempijon Jeŭropy ŭ šerahach zbornaj Partuhalii, forvard Kryštyjanu Ranałdu staŭ najlepšym hulcom kantynienta ŭ siezonie 2015—2016.

Getty

Cyrymonija vybaru jeŭrapiejskaha futbalista numar adzin u žyvym efiry tranślavałasia na sajcie UEFA.

Ranałdu ŭ druhi raz zavajavaŭ hetaje zvańnie. Jaho supiernikami byli adnakłubnik z «Reała» Haret Bejł i forvard z «Atletyka» (Madryd) Antuan Hryzman.

Pa praviłach UEFA, žurnalisty z 55 krain, jakija ŭvachodziać u Jeŭrapiejskuju asacyjacyju futbolnych fiederacyj, nazyvajuć pa piać najlepšych, ź ich punktu hledžańnia, hulcoŭ. Pieršy naminant atrymlivaje piać ačkoŭ, druhi — čatyry i hetak dalej.

Dziasiatka futbalistaŭ, jakija nabrali najbolšuju kolkaść ačkoŭ, vychodzić u druhi raŭnd adboru.

Pieramožcami druhoha tura stali Ranałdu, Bejł i Hryzman. U chodzie elektronnaha hałasavańnia, jakoje pravodziłasia ŭ režymie realnaha času, tyja ž 55 žurnalistaŭ vybrali favaryta z karotkaha śpisu.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?