Pamiž Ukrainaj i Biełaruśsiu niama nijakich niavyrašanych prablem, dvum dziaržavam zaŭsiody ŭdavałasia znajści ŭzajemnyja rašeńni ŭ lubych składanych pytańniach, jakija ŭźnikali.

Pra heta zajaviŭ ministr zamiežnych spraŭ Biełarusi Uładzimir Makiej 26 žniŭnia ŭ Kijevie padčas adkryćcia žyłoha kompleksu biełaruskaha pasolstva va Ukrainie i rezidencyi pasła Biełarusi.

«Tamu siońnia my možam śmieła kazać pra stałaje partniorstva, jakoje isnuje ŭ adnosinach pamiž našymi brackimi dziaržavami», — padkreśliŭ Makiej. Niemałaja zasłuha ŭ hetym dypłamatyčnych misij u Kijevie i Minsku, dadaŭ jon.

Jak paviedamlałasia raniej, biełaruskamu boku byŭ vydzieleny ŭčastak u Sałomienskim rajonie Kijeva płoščaj 0,25 ha. Jon pryznačaŭsia pad budaŭnictva kompleksu budynkaŭ, uklučajučy rezidencyju pasła, žyły dom dla dypłamataŭ i supracoŭnikaŭ dypmisii, padziemny parkinh, haściavuju aŭtastajanku i placoŭki dla adpačynku.

Uviadzieńnie ŭ ekspłuatacyju budynkaŭ pasolstva adpaviadaje stratehii raźvićcia sietki biełaruskich dypłamatyčnych pradstaŭnictvaŭ za miažoj, a najaŭnaść takoj ułasnaści za miažoj dazvolić zekanomić na arendzie žylla, a taksama zabiaśpiečyć vysoki ŭzrovień biaśpieki biełaruskich dypłamataŭ i členaŭ ich siemjaŭ, adznačyŭ pres-sakratar MZS Biełarusi Dźmitryj Mirončyk na bryfinhu 18 žniŭnia.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?