U pačatku lutaha sioleta hałoŭny redaktar časopisa «Biełaruskaja dumka» Vadzim Hihin byŭ pryznačany dekanam fiłasofskaha fakulteta BDU. Paŭhoda časopis isnavaŭ biez hałoŭnaha redaktara. Tolki naprykancy leta «Biełaruskuju dumku» ŭznačaliŭ Alaksandr Samovič.

Fota z ok.ru.

Fota z ok.ru.

Alaksandru Samoviču 44 hady, jon naradziŭsia i žyvie ŭ Minsku. Skončyŭ Minskaje suvoraŭskaje vučylišča, Humanitarnuju akademiju Uzbrojenych siłaŭ u Maskvie, a taksama Biełaruskuju vajskovuju akademiju. Doktar histaryčnych navuk. Źviartaje ŭvahu, što abaraniaŭsia Samovič u Rasii, a nie ŭ Biełarusi. Tema jahonaj dysiertacyi: «Dziejnaść Rasijskaj dziaržavy ŭ adnosinach da zamiežnych vajennapałonnych (XIX — pačatak XX st.)».

Z vučobaj u Samoviča była dastatkova pakručastaja historyja. Jon vučyŭsia ŭ vajenna-marskim vučyliščy, ale paśla troch kursaŭ napisaŭ rapart ab pieravodzie ŭ Lvoŭski vajskovy instytut na fakultet kulturna-aśvietnickaj raboty. Adnak nie davučyŭsia i tam, skančvaŭ vučobu ŭ Humanitarnaj akademii ŭ Maskvie.

Alaksandr Samovič (źleva) i Barys Jelcyn. Fota z ok.ru.

Alaksandr Samovič (źleva) i Barys Jelcyn. Fota z ok.ru.

Paśla skančeńnia vučoby Samovič staŭ pieršym aficeram u adździele hieraldyki i vajskovaj simvoliki pry Hienieralnym štabie Rasijskaj Fiederacyi. Faktyčna hałoŭnym vajskovym hieraldystam Rasii. I heta ŭ svaje 24 hady! Jość zdymak, dzie małady starlej Samovič dakładvaje prezidentu Rasii Barysu Jelcynu ab raspracoŭcy vajskova-hieraldyčnych znakaŭ.

Mienavita pa eskizach Alaksandra Samoviča była stvoranaja forma dla rasijskaha Prezidenckaha pałka.

Paśla viartańnia ŭ Biełaruś na pracu ŭ Minskaje suvoraŭskaje vučylišča Samoviču dapamoh uładkavacca tahačasny kiraŭnik KDK Anatol Tozik.

U Biełarusi Samovič praciahnuŭ pracu pa stvareńni hieraldyčnych simvałaŭ dla Uzbrojenych siłaŭ, a taksama inšych siłavych viedamstvaŭ. Varta adznačyć, što ŭ asnoŭnym jany biełaruskamoŭnyja.

Samovič pracavaŭ sakratarom-namieśnikam hałoŭnaha redaktara časopisa «Armija». Pracuje vykładčykam u Vajskovaj akademii, a taksama ŭ BDU. Źjaŭlajecca členam hieraldyčnaj rady pry prezidencie. Byŭ dyrektaram Nacyjanalnaha archiva Biełarusi.

U listapadzie 2013 hoda pałkoŭnik Samovič byŭ uznaharodžany Łukašenkam miedalom «Za biezdakornuju słužbu» I stupieni.

Jak historyk, Samovič zajmajecca temami Pieršaj suśvietnaj vajny, vojny Rasijskaj impieryi ŭ XIX stahodździ, vajennapałonnych.

Fota z ok.ru.

Fota z ok.ru.

Taksama Samovič źjaŭlajecca kalekcyjanieram, u jaho pryvatnych zborach zvyš 1000 fotazdymkaŭ darevalucyjnaj pary. U intervju «Kamsamołcy» Samovič sa skruchaj adznačaŭ, što paśla prychodu balšavikoŭ vialikaja kolkaść fatahrafij biełarusaŭ apynułasia ŭ Maskvie, jak «rečdoki».

U svoj čas taksama Samovič zapomniŭsia tym, kali sa skruchaj adznačaŭ, što orden Franciška Skaryny, «lubimy i pavažany ŭ narodzie, asabliva siarod intelihiencyi», ŭ svojeasablivych dziaržaŭnych ranžyrach zajmaje apošniaje miesca siarod biełaruskich uznaharod.

«Dziaŭčynka z Paleśsia». Karcina Alesia Samoviča.

«Dziaŭčynka z Paleśsia». Karcina Alesia Samoviča.

Aproč usiaho hetaha Alaksandr Samovič źjaŭlajecca členam Sajuza biełaruskich dyzajnieraŭ. Sprabuje siabie jak mastak. Admietna, što svaje karciny jon padpisvaje «Aleś Samovič».

«Biełaruskaja dumka» — hramadska-palityčny i navukova-papularny časopis Administracyi prezidenta. U 2007 hodzie ŭvajšoŭ u skład BiełTA.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?