Były supracoŭnik Ahienctva nacyjanalnaj biaśpieki ZŠA Edvard Snoŭden paprasiŭ prezidenta krainy Baraka Abamu pamiłavać jaho.

AFP

AFP

U intervju The Guardian pa videasuviazi Snoŭden zajaviŭ, što publikacyja sakretnych dakumientaŭ ab sačeńni amierykanskich i brytanskich śpiecsłužbaŭ pryniesła karyść hramadzianam ZŠA, a taksama była pravilnaj z punktu hledžańnia marali. Akramia taho, jana pryviała da pazityŭnych źmien u amierykanskim hramadstvie.

«Kanhres, sudy i prezident — usie jany pamianiali svaju palityku ŭ vyniku tych publikacyj. Da hetaha času nie było apublikavana nijakich dokazaŭ taho, što ŭ vyniku [apublikavańnia sakretnych dakumientaŭ] niechta padvierhnuŭsia niebiaśpiecy», — skazaŭ jon.

Zajava Snoŭdena prahučała paśla taho, jak stała viadoma ab namierach pravaabaroncaŭ zapuścić kampaniju z patrabavańniem pamiłavać byłoha analityka ANB. Sajt kampanii pakul nie zapuščany.

U Abamy jość prava pamiłavać Snoŭdena da studzienia 2017 hoda, pakul jon zajmaje pasadu prezidenta ZŠA. The Guardian adznačaje, što šancy na takoje raźvićcio padziej vielmi nizkija.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?