Najbujniejšy vytvorca smartfonaŭ u śviecie kampanija Samsung abviaściła ab vypusku abnaŭleńnia prahramnaha zabieśpiačeńnia, jakoje dazvolić karystalnikam u Paŭdniovaj Karei znoŭ biez bojazi uklučyć svaje novieńkija Samsung Galaxy Note 7.

AFP

2 vieraśnia Samsung prypyniła prodažy svajoj novaj madeli smartfonaŭ Galaxy Note 7, jakaja vyjšła na rynak u žniŭni. Akramia taho, kampanija paviedamiła ab adklikanni za 2,5 młn raniej pradadzienych pryład.

Pryčynaj stali vypadki ŭzharańnia akumulataraŭ pry zaradcy. Usiaho było vyjaŭlena 35 smartfonaŭ ź niaspraŭnaściu akumulatara.

Abnaŭleńnie zaklikanaje zaścierahčy karystalnikaŭ, jakija pakul nie mohuć ci nie chočuć viartać svaje pryłady, — jano dazvolić akumulataru Galaxy Note 7 zaradžacca tolki da 60%, takim čynam praduchilajučy pierahreŭ.

Abnaŭleńnie vyjdzie 20 vieraśnia ŭ Paŭdniovaj Karei. Kali jano stanie dastupnaje ŭładalnikam smartfonaŭ Samsung pa ŭsim śviecie, nieviadoma.

9 vieraśnia ŭłady ZŠA paprasili svaich hramadzian nie karystacca Samsung Galaxy Note 7. Fiederalnaje avijacyjnaje ŭpraŭleńnie ZŠA zabaraniła hetyja smartfony na borcie samalotaŭ. Tak ža pastupili avijakampanii niekatorych inšych krain.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?