U paniadziełak, 12 vieraśnia, u Lvovie nieviadomyja razmalavali aŭtamabil ź biełaruskimi numarami z hieorhijeŭskaj stužkaj u sałonie.

Aŭtamabil Hyundai stajaŭ pryparkavany kala hatela «Delis» na vuł. Franka, piša nv.ua.

Lvavianie zaŭvažyli, što ŭsiaredzinie sałona pryčeplenaja hieorhijeŭskaja stužka, što vyklikała mnostva abureńnia i abmierkavańnia ŭ sacsietkach. Praź niekatory čas aŭtamabil razmalavali sinie-žoŭtaj farbaj z patryjatyčnymi łozunhami.

Paźniej vyśvietliłasia, što uładalnica aŭtamabila — hramadzianka Biełarusi. Žančyna patłumačyła, što stužka ŭžo bolš za 10 hadoŭ visić u jaje mašynie, i jana pra jaje zusim zabyłasia.

Biełaruska vybačyłasia pierad lvavianami, adnak napisała zajavu ŭ palicyju ab paškodžańni majomaści. Ciapier pravaachoŭniki pravodziać pravierku pa hetym fakcie.

Клас
0
Панылы сорам
0
Ха-ха
0
Ого
0
Сумна
0
Абуральна
0