15 vieraśnia Alaksandr Łukašenka zrabiŭ čarhovaje kadravaje pryznačeńnie. Alaksandr Turčyn ciapier budzie zajmać pasadu kiraŭnika Aparatu Savieta ministraŭ.
Da hetaha Alaksandr Turčyn krychu bolš za hod zajmaŭ pasadu pamočnika prezidenta pa Homielskaj vobłaści. Turčynu 41 hod, jon rodam z Navahrudka. Skončyŭ narhas, a taksama Akademiju kiravańnia.
Pracavaŭ dyrektaram kramy kałhasa «Avanhard» u Navahrudskim rajonie, paśla ŭ rehijanalnych orhanach Ministerstva finansaŭ, namieśnikam staršyni Karelickaha rajvynkama. Ad 2012 hoda byŭ namieśnikam staršyni Minskaha abłvykankama.
Pasada kiraŭnika Aparatu Savieta ministraŭ — dobry tramplin dla bolš vysokich pasad. Raniejšy kiraŭnik viedamstva Ihar Sokał u červieni byŭ pryznačany pasłom va Ukrainu, a Kanstancin Martyniecki, jaki ŭznačalvaŭ Aparat ciaham 8 hadoŭ, staŭ pieršym namieśnikam u Administracyi prezidenta.
Usie kiraŭniki Aparata Savieta ministraŭ za časami Łukašenki:
- Alaksandr Sakałoŭski (1994 — 1998)
- Hienrych Kumpicki (1998 — 2001)
- Alaksandr Sielaźnioŭ (2001 — 2006)
- Valeryj Kazakievič (2006 — 2007)
- Kanstancin Martyniecki (2007 — 2015)
- Ihar Sokał (27 studzienia 2015 — 13 červienia 2016)
- Alaksandr Turčyn (15 vieraśnia 2016 — da ciapierašniaha času)
