Amierykanskija startapiery z San-Francyska raspracavali technałohiju šumapadaŭlalnika Muzo, jakija dazvalaje stvaryć asabistuju zonu kamfortu, błakujučy pabočnyja šumy vakoł kožnaha čałavieka.
Dla stvareńnia hadžeta raspracoŭščyki arhanizavali kraŭdfandynhavy prajekt na amierykanskaj placoŭcy Kickstarter. Hetym letam startapiery sabrali patrebnuju kolkaść hrošaj (75 tysiač dołaraŭ), a sam hadžet zajmieŭ nastolki vialikuju papularnaść, što ŭžo na dadzieny momant pakul niemahčyma zrabić pieradzamovu.
Voś jak budzie pracavać šumapadaŭlalnik «Muzo» na praktycy:
Muzo — pieršy akustyčny hadžet, u jakim prymianiajecca antyvibracyjnaja technałohija dla hładkaj pavierchni. Jana praduchilaje vibracyi abjektaŭ, kab źvieści da minimumu lubyja niepažadanyja pieraškody pablizu. Akramia taho, Muzo vykarystoŭvaje Billionsound technałohiju dla stvareńnia dynamičnych realistyčnych hukaŭ.
U hadžeta jość 3 režymy: režym Serenity (stvaraje cichaje miesca), režym Sleep (dla dasiahnieńnia lepšaj jakaści snu) i sakretny režym (dla abarony razmoŭnaj kanfidencyjnaj infarmacyi z dapamohaj hukamaskiravańnia, praściej kažučy anty-prasłuchoŭka).
Analiz i kiravańnie hukam adbyvajecca praź sinchranizacyju z smartfonam. Sam hadžet pracuje na akumulatary, a čas pracy Muzo — 20 hadzin biez padzaradki.
Šumapadaŭlalnik, akramia svajho asnoŭnaha pryznačeńnia, maje i dadatkovuju karysnuju funkcyju — budzilnik. Ustanoŭka budzilnika dapamoža vam zasnuć, a zatym hienieravać hukavyja chvali, kab abudzić vas. U vyniku, vy zmožacie spać spakojna ŭsiu noč i pračynacca ŭ patrebny čas.
Ale samaje hałoŭnaje, heta cana hadžeta — 249 dalaraŭ. Start prodažaŭ płanujecca ŭ lutym 2017 hoda.
