Alaksandr Łukašenka nakiravaŭsia z rabočym vizitam u Kyrhyzstan. Kiraŭnik krainy voźmie ŭdzieł u pasiadžeńni Savieta kiraŭnikoŭ dziaržaŭ — udzielnic SND, jakoje adbudziecca 16 vieraśnia ŭ Biškieku, paviedamlaje jaho pres-słužba.
Paradak dnia pasiadžeńnia ŭklučaje kala 15 pytańniaŭ. Lidary krain SND razhledziać realizacyju ŭ 2017 hodzie miždziaržaŭnaj prahramy «Kulturnyja stalicy Sadružnaści» ŭ Azierbajdžanie, prahramu supracoŭnictva ŭ baraćbie z teraryzmam i inšymi hvałtoŭnymi prajavami ekstremizmu na 2017-2019 hady, kanviencyju ab mižrehijanalnym supracoŭnictvie i inšyja pytańni.
Asablivuju ŭvahu kiraŭniki dziaržaŭ źviernuć na adaptacyju Sadružnaści da sučasnych realij. Jak čakajecca, na pasiadžeńni budzie pryniaty šerah zajavaŭ, u tym liku ŭ suviazi z 25-hodździem SND.