Stadyjon «Dynama» ŭ Minsku adkryjecca paśla rekanstrukcyi ŭ 2017 hodzie, paviedamiŭ siońnia žurnalistam namieśnik premjer-ministra Biełarusi Anatol Kalinin padčas naviedvańnia abjektaŭ stadyjona.
«Rekanstrukcyju stadyjona «Dynama» my aceńvajem jak dobra arhanizavanuju i efiektyŭnuju. Samaje hałoŭnaje — jość krynica finansavańnia. Časam u nas terminy budaŭnictva zaciahvajucca ŭ pieršuju čarhu z pryčyny niedastatkovaści abo adsutnaści finansavańnia, tut idzie spraŭnaje finansavańnie, dobra arhanizavana rabota budtresta №1», — adznačyŭ Anatol Kalinin.
Vice-premjer ličyć važnym zachavać u centry horada sučasnuju spartyŭnuju placoŭku ź lohkaatletyčnym maniežam i futbolnym polem.
Padčas ahladu abjektaŭ stadyjona vice-premjer byŭ prainfarmavany ab chodzie rekanstrukcyi. U pryvatnaści, havorka išła ab tempach rabot na hałoŭnym i raźminkavych stadyjonach, skaładromie i ciry. Tut ža buduć zroblenyja rełaksacyjnyja i azdaraŭlenčyja centry, vip-boksy. Dziakujučy aluminijevamu dachu pad naviesam budzie znachodzicca kala 70% miescaŭ dla hledačoŭ. Usiaho na stadyjonie praduhledžana kala 22 tys. miescaŭ. Futbolnaje pole budzie mieć naturalny hazon i padahreŭ.
Asobna było adznačana, što pry rekanstrukcyi budzie zachavana histaryčnaja častka stadyjona, u tym liku arkada z boku vuł. Kirava.