Zabudoŭščyki pavinny buduć absłuhoŭvać žyłyja kompleksy na praciahu 5 hadoŭ paśla zdačy, paviedamiŭ siońnia žurnalistam namieśnik premjer-ministra Biełarusi Anatol Kalinin.
«Samaje hałoŭnaje, na što my pavinny ŭ bližejšy čas pierajści: zabudoŭščyk paśla budaŭnictva žyłoha kompleksu pavinien pryniać jaho ŭ ekspłuatacyju jak minimum na 5 hadoŭ. Zabudoŭščyk nie pieradaje hetaje žyllo ŽREA i ŽES, kab žychary vyśviatlali ź imi adnosiny dalej, a sam ekspłuatuje jak minimum na praciahu 5 hadoŭ hetaje žyłoje asiarodździe i vyrašaje ŭsie pytańni, — rastłumačyŭ Anatol Kalinin. — Jakija heta buduć dadatkovyja opcyi, vyrašać ludzi, jakija pražyvajuć u kompleksie, razam z zabudoŭščykam».
Vice-premjer adznačyŭ, što taki pryncyp užo realizavany, naprykład, u žyłym rajonie Novaja Baravaja ŭ Minskim rajonie. Takija prajekty kompleksnaj zabudovy pavinny isnavać i ŭ premium-kłasie, i ŭ ekanom-kłasie, ličyć jon.
«Pryncyp «pabudavaŭ i zabyŭsia» — heta ŭžo ŭčorašni dzień. Ciapier treba paviarnucca ŭ inšy bok, i ŭrad nastrojeny, kab usie budaŭniki takim čynam zabiaśpiečvali jakaść žyłoha asiarodździa», — reziumavaŭ Anatol Kalinin.