Najbližejšymi dniami ŭ lasach asobnych rajonaŭ Homielščyny i Brestčyny budzie zachoŭvacca vysokaja stupień pažarnaj niebiaśpieki, paviedamiła na pres-kanfierencyi 15 vieraśnia ŭ Minsku načalnik Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa (Hidramieta) Maryja Hiermiančuk.
«Siońnia ranicaj na razbory my prahladali kartu pažaraniebiaśpieki na siońnia i prahnoz na zaŭtra, — skazała jana. — Paŭdniovaja i zachodniaja častki Homielskaj vobłaści, a taksama ŭschodniaja častka Bresckaj vobłaści, na žal, zaraz znachodziacca ŭ zonie pažarnaj niebiaśpieki piataha kłasa — heta vielmi vysokaja, nadzvyčajnaja harymaść. Hetuju infarmacyju my ŭ režymie realnaha času pieradajem u MNS, Ministerstva lasnoj haspadarki, Homielski abłvykankam dla taho, kab tyja prymali adpaviednyja rašeńni pa papiaredžańni mahčymaj škody».
