Pažarnaja inśpiekcyja va Ukrainie ŭ jaje ciapierašnim vyhladzie budzie likvidavanaja, zajaviŭ ministr unutranych spraŭ Ukrainy Arsien Avakaŭ.
Čynoŭnik nazvaŭ inśpiekcyju «orhanam, karupcyjnaja jomistaść jakoha była sapraŭdy nievyčerpnaj».
Reforma praduhledžvaje novuju sistemu prafiłaktyki i dziejańniaŭ va ŭmovach nadzvyčajnych situacyj. U pryvatnaści, pradpryjemstvam «małoj i siaredniaj zony ryzyki» prapanujuć niedziaržaŭnaje dobraachvotnaje strachavańnie, adznačyŭ ministr.
«My zaprašajem hulcoŭ adkrytaha rynku — strachavyja kampanii — padłučycca da hetaha pracesu i sumiesnymi namahańniami vybudavać madel, jakaja minimizuje cisk na ŭkrainski biznes i zamiežnych inviestaraŭ. Madel, jakaja dazvolić vyniščyć karupcyju va ŭzajemaadnosinach biznes — inśpiekcyja», — napisaŭ Avakaŭ na svajoj staroncy ŭ fejsbuku.
Akramia taho, samu sistemu płanujuć decentralizavać i stvaryć pažarnyja kamandy z udziełam dobraachvotnikaŭ.
