Praviły ŭjezdu na terytoryju Nacyjanalnaha aeraporta Minsk źmieniacca z 26 vieraśnia, ciapier jany dziejničajuć u testavym režymie.
Pra heta paviedamiła pres-sakratar RUP «Nacyjanalny aeraport Minsk» Śviatłana Mironik.
«Dla maksimalna kamfortnaha pieramiaščeńnia pasažyraŭ i aŭtamabilnaha transpartu na pryvakzalnaj płoščy budynka aeravakzalnaha kompleksu ź vieraśnia 2016 hoda buduć uniesienyja niekatoryja źmieny ŭ arhanizacyju darožnaha ruchu i technałohii znachodžańnia transpartnych srodkaŭ na terytoryi Nacyjanalnaha aeraporta Minsk», — adznačyli ŭ pres-centry.
Tak, pry pieršym i druhim naviedvańniach na praciahu kalandarnych sutak kiroŭcam budzie pradastaŭlacca limit času biaspłatnaha znachodžańnia ŭ pamiery 20 chvilin. Pry trecim i bolš — košt pasłuhi budzie taryfikavacca z momantu ŭjezdu na pryvakzalnuju płošču (biez pradastaŭleńnia limitu času biaspłatnaha znachodžańnia).
Z bolš padrabiaznaj infarmacyjaj pra źmieny ŭ arhanizacyi darožnaha ruchu i technałohii akazańnia pasłuh pa znachodžańni na pryvakzalnaj płoščy možna aznajomicca na sajcie Nacyjanalnaha aeraporta Minsk.
