Padraździaleńni terytaryjalnaj abarony, jakija płanuje stvaryć Polšča, buduć farmiravacca z uvahaj na amierykanski dośvied, pieradaje radiopolsha.pl sa spasyłkaj na pres-sakratara Minabarony Bartałamieja Misieviča.
Fota: SFJZ13
Takim čynam terytaryjalnaja abarona vyraście ŭ asobnuju halinu Uzbrojenych sił, a nie budzie prosta naboram roznakalibiernych dobraachvotnickich atradaŭ ci kłubaŭ.
Nacyjanalnaja hvardyja ZŠA farmirujecca pa terytaryjalnym pryncypie z asobaŭ, jakija žyvuć cyvilnym žyćciom, adnak achviarujuć častku pracoŭnaha i asabistaha času dla aktyŭnaj vajskovaj padrychtoŭki.
Uzbrajeńnie, nakirunak padrychtoŭki i ryštunak Nacyjanalnaj hvardyi ničym nie adroźnivajucca ad hetkich u rehularnych vojskaŭ — takim čynam heta narmalnyja bajazdolnyja vojski z branietechnikaj, artyleryjaj i navat avijacyjaj, a nie amatary-partyzany sa lehkaj strałkovaj zbrojaj «na uik-end».
Suchaputnyja častki NH ZŠA, jakija składajucca z 28 bajavych bryhadnych hrupaŭ, brali aktyŭny ŭdzieł u zmahańni z bajevikami ŭ Iraku da 2011 hoda, faktyčna źjaŭlajučysia vojskami rezervu amierykanskaj armii.
