U centry Ńju-Jorka na Manchetenie prahrymieŭ vybuch. Pa dadzienych pažarnych, spracavała vybuchovaje prystasavańnie, achviaraŭ niama. Pieršapačatkova paviedamlałasia ab dvaccaci piaci paciarpiełych, paźniej ich kolkaść pavialičyłasia da 29
NY Times
U vyniku vybuchu ŭ rajonie Čełsi na Manchetenie ŭ Ńju-Jorku paciarpieli 25 čałaviek, paviedamlaje ahienctva Reuters. Paźniej ŭłady zajavili pra 29 paciarpiełych, pry hetym jany ŭdakładnili, što surjoznych traŭmaŭ nichto nie atrymaŭ.
Spačatku pryčyna vybuchu była nieviadomaja, adnak paźniej Reuters sa spasyłkaj na pažarny departamient paviedamiła ab vyjaŭleńni reštkaŭ vybuchovaha prystasavańnia. Jak miarkujecca, jano spracavała ŭ śmiećcievym kantejniery, paviedamili krynicy ahienctva ŭ pravaachoŭnych orhanach. Na miesca vybuchu dla rasśledavańnia prybyli supracoŭniki FBR. Pa słovach načalnika palicyi Ńju-Jorka Džejmsa O'Niła, dakładnaja pryčyna vybuchu na momant padrychtoŭki hetaj infarmacyi nie vyśvietlena.
Mer Ńju Jorka Bił De Błazia zajaviŭ, što dokazaŭ suviazi taho, što adbyłosia na Manchetenie z teraryzmam niama, adnak jon nazvaŭ vybuch «naŭmysnym dziejańniem». U palicyi horada adznačyli, što ŭciečka hazu nie mahła być pryčynaj vybuchu.
