Kala ambasady Rasii ŭ Kijevie adbylisia sutyknieńni pamiž pratestoŭcami suprać praviadzieńnia vybaraŭ u Dziarždumu RF i pravaachoŭnikami.
Jak paviedamlaje kanał «112 Ukraina», pravaachoŭniki zatrymali deputata Kijeŭskaj rady ad «Svabody» Uładzimira Nazaranku, paśla čaho paŭstaŭ kanflikt pamiž pratestoŭcami i palicyjaj.
Jak paviedamlaje kanał, «svabodaŭca» zatrymali z-za taho, što jon zajšoŭ na terytoryju ambasady RF. Adnak jaho paplečniki kažuć, što jaho adciahnuli tudy siłaj.
Jak vidać z tranślacyi, paśla zatrymańnia Nazaranki aktyvisty paškodzili zaharadžalnuju sietku la ambasady.
Siarod aktyŭnych pratestujučych suprać praviadzieńnia vybaraŭ u Dziarždumu u pasolstvie RF u Kijevie — deputat Kijeŭskaj rady, eks-nardep «Svabody» Ihar Mirašničenka.
U ciapierašni čas pratestoŭcy praciahvajuć błakavać uvachod u vybarčy ŭčastak.
Kala ambasady sabrałasia kala 300 pravaachoŭnikaŭ.
Adnaho z hramadzian RF pratestoŭcy nie puskali na ŭčastak, ale jon zajšoŭ i vyjšaŭ praź inšy ŭvachod, paviedamlaje kanał.
Paźniej pratestoŭcy paśla svarki źbili hramadzianina Rasii, jaki sprabavaŭ prajści prahałasavać.
Jak paviedamlaje «Interfaks-Ukraina», kala dziesiaci aktyvistaŭ sprabavali zaharadzić prachod da ŭvachodu ŭ budynak ambasady RF u Kijevie.
Adzin z aktyvistaŭ zaharadziŭ ŭvachod na terytoryju ambasady. Jaho vyvieli za aharodžu.
Paśla hetaha aktyvisty na čale z deputatam Kijeŭskaha harsavieta, byłym narodnym dieputatom- «svabodaŭciev» Iharam Mirašničenkam pačali raschistvać płot. Pravaachoŭniki adcisnuli pratestujučych, zaharadžalnyja sietka paškodžana.