U Bierlinie ŭ niadzielu, 18 vieraśnia, adbylisia vybary ŭ rehijanalny parłamient. Na 130 deputackich miescaŭ pretendavali 927 kandydataŭ z 21 partyi.
Pa stanie na 16:00 prahałasavali 53,1% vybarščykaŭ, što bolš čym na 7% vyšej, čym piać hadoŭ tamu.
U papiarednim składzie parłamienta Bierlina byli pradstaŭleny Sacyjał-demakratyčnaja partyja Hiermanii (SDPH; 46 miescaŭ), Chryścijanska-demakratyčny sajuz (CHDS; 39), partyja «Zialonych» (29), partyja «Levych» (19), Pirackaja partyja (15) i adzin biespartyjny deputat.
Zhodna z prahnozam telekampanii ARD, zaraz u parłamient prachodziać SDPH (23 adsotki), CHDS (18), «Zialonyja» i «Levyja» (pa 16,5), pravapapulisckaja «Alternatyva dla Hiermanii» (11,5) i Svabodnaja demakratyčnaja partyja (6,5).
Takim čynam kaalicyja sacyjał-demakrataŭ i chryścijanskich demakrataŭ Mierkiel hublaje bolšaść. Ciapier partyjam treba budzie damaŭlacca ab novych sajuzach.
Publikujecca ŭ miežach śpiecyjalnaj rubryki «Naviny Hiermanii»
