Usierasijski centr vyvučeńnia hramadskaj dumki pradstaviŭ dadzienyja apytańniaŭ na vychadach z vybarčych učastkach. Pa ich dadzienych, na vybarach u Dziarždumu «Adzinaja Rasija» atrymaje 44,5%, ŁDPR — bolš za 15, KPRF - 14,9%, «Spraviadlivaja Rasija» - 8,1%.
Fota: egor-52.ucoz.ru
Pa dadzienych Fondu hramadskaj dumki, u «Adzinaj Rasii» budzie 48,7%, u ŁDPR — 14,2%, u KPRF — 16,3%, u «Spraviadlivaj Rasii» — 7,6%.
Niezaležnyja sacyjołahi ekzit-połaŭ nie pravodzili.
Inšyja partyi, pa dadzienych ekzit-połaŭ, ŭ Dziarždumu nie traplajuć.
«Jabłyku» dali krychu mienš za try pracenty, što nie dazvolić jamu atrymać dziaržaŭnaje finansavańnie.
Inšy antypucinski prajekt «Parnas», da jakoha naležaŭ zabity Niamcoŭ, — tolki 1%.
Havorka idzie tolki pra vyniki hałasavańnia pa fiederalnaj akruzie. Pa adnamandatnych akruhach dadzienyja źbirajucca asobna.
Dziaržduma ŭ 2016 hodzie ŭpieršyniu z 2003 hoda abirajecca pa źmiašanaj sistemie: 225 deputataŭ buduć abranyja pa partyjnych śpisach, a druhaja pałova nižniaj pałaty źbiarecca pa vynikach hałasavańnia ŭ adnamandatnych akruhach.
