hulldailymail.co.uk

hulldailymail.co.uk

Uładalnica kramy ŭ brytanskim horadzie Kinhstan-epan-Chał źbiantežyła rabaŭnika, jaki ŭvarvaŭsia ŭ jaje kramu z 18-santymietrovym nažom. Pra heta piša The Telegraph.

Pa słovach Karamžyt Sańja, jana siadzieła za pryłaŭkam, piła harbatu, kali ŭ pamiaškańnie ŭvajšoŭ uzbrojeny mužčyna. «Jon zahadaŭ mnie addać usie hrošy, ale ja była spakojnaja. Ja adkazała, što pju harbatu», — raspaviała jana.

Paśla taho jak złodziej znoŭ zapatrabavaŭ pieradać jamu hrošy, žančyna skazała: «Dobra».

Zatym jana dastała svoj nož i pačała razmachvać im pierad tvaram rabaŭnika.

«Ja nie chacieła pryčynić jamu bol, ale hetaha było dastatkova, kab jaho napałochać. Jon pačaŭ treścisia, a zatym uciok», — skazała Sańja.

Palicyja nieŭzabavie złaviła padazravanaha. Im akazaŭsia miascovy žychar Ściuart Hlisan. Haradski sud pryznaŭ jaho vinavatym u sprobie rabavańnia, našeńni chałodnaj zbroi i zachoŭvańni falšyvych kupiur, prysudziŭšy da piaci hadoŭ turmy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?