Hety fotazdymak Trumena Kapote zrobleny ŭ 1966 hodzie.
Častku prachu viadomaha amierykanskaha piśmieńnika Trumena Kapote pradali na aŭkcyjonie ŭ Łos-Andželesie za $45 tys.
Arhanizataram tarhoŭ staŭ aŭkcyjonny dom Julien's Auctions, jaki atrymaŭ skrynku z pracham piśmieńnika ad jaho siabroŭki Džaan Karsan, jakaja pamierła ŭ minułym hodzie.
«U aŭkcyjonie brali ŭdzieł ludzi z Rasii, Hiermanii, Kitaja, Paŭdniovaj Amieryki i adsiul, z ZŠA», — raspavioŭ pradstaŭnik aŭkcyjonu, admoviŭšysia nazvać imia pakupnika.
Pavodle jaho słoŭ, na momant śmierci piśmieńnika ŭ 1984 hodzie va ŭzroście 59 hadoŭ jaho prach moh kaštavać $6 tys. Prodaž za $45 tys. jon ličyć vielmi vyhadnym.
Siarod najbolš viadomych tvoraŭ Kapote — naveła «Śniadanak u Cifani» i dakumientalny raman «Cyničnaje zabojstva».
