U Minsku la Ratušy prajšoŭ Dzień habrejskaj kultury. Mienčukam prapanavali paznajomicca z habrejskaj kulturaj i tradycyjami.
Arhanizataram mierapryjemstva vystupili Minharvykankam i Sajuz biełaruskich habrejskich hramadzkich abjadnańniaŭ i hramadaŭ pry padtrymcy pasolstva Izraila ŭ Biełarusi, Izrailskaha kulturnaha centra.
Ravin pakazaŭ sapraŭdnuju Toru sa staličnaj sinahohi. Skrutak raźmierkavany tak, što pa častkach jaho čytajuć kožny tydzień. Kožny hod za ŭsie 52 tydni rabin pavinien pračytać 54 takija raździeły. Tamu za ŭsio žyćcio atrymoŭvajecca vyvučyć Toru na pamiać.
Blizka la sceny arhanizatary pastavili impravizavanuju Ścianu Płaču. Dla jaje ludzi pisali nievialikija zapiski z pažadańniami, kłali ŭ kišeniu stenda. Paśla śviata ŭsie maleńkija listy adpraviać u Jerusalim i pakinuć pamiž kamianioŭ u sapraŭdnaj Ścianie Płaču.
Znakamityja habrei ź biełaruskimi karaniami.
La impravizavanaj «Ściany płaču»
Možna było pčastavacca macoju.
