Yahoo śćviardžaje, što finansujemyja dziaržavaj chakiery skrali dadzienyja 500 miljonaŭ karystalnikaŭ, u tym liku łohiny, paroli, imiony karystalnikaŭ, ich telefonnyja numary i daty naradžeńnia. Na siońnia heta samaja bujnaja kibier-praboina za ŭsiu historyju.
Chakierskaja ataka mieła miesca ŭ 2014 hodzie, ale stała viadoma pra jaje tolki ciapier. Amierykanskaje FBR užo zajmajecca rasśledavańniem. U Yahoo śćviardžajuć, što infarmacyja była skradzienaja chakierskaj hrupaj, jakaja finansujecca ŭładami adnoj ź dziaržaŭ. Ale što heta za dziaržava, kampanija nie ŭdakładniła.
Naviny pra imaviernuju chakierskuju ataku na Yahoo źjavilisia jašče ŭ žniŭni, kali adzin z chakieraŭ sprabavaŭ pradać dadzienyja 200 młn karystalnikaŭ Yahoo.
Ahienctva Reuters sa spasyłkaj na troch ananimnych supracoŭnikaŭ raźviedki ZŠA paviedamiła, što kibier-ataka była sapraŭdy spansavana niejkaj dziaržavaj, tamu što jana była vielmi padobnaj na papiarednija ataki chakieraŭ, źviazanych z Kramlom.
Da hetaha vypadku samaj bujnoj chakierskaj atakaj ličyli kradziež 359 miljonaŭ akaŭntaŭ MySpace.
