U centry Minska, kala ŭniviersama «Centralny», prachodzić akcyja pa zbory podpisaŭ za ŭniasieńnie bieł-čyrvona-biełaha ściaha ŭ śpis historyka-kulturnych kaštoŭnaściej.
12:46
U chodzie akcyi padpisalisia siońnia niekalki dziasiatkaŭ čałaviek.
12:34
Źmicier Daškievič tym časam prymacoŭvaje hierb «Pahonia» pad šyldaj śpiektakla «Dźvie dušy» Kupałaŭskaha teatra.
Jon kaža, što jaho raduje kolkaść sabranych podpisaŭ. Prykładna pa 20 podpisaŭ źbirajecca kožnuju hadzinu (Źmicier štodnia źbiraje podpisy pa try hadziny). A siońnia chutkaść składaje 40 podpisaŭ u hadzinu. Jon zaznačaje, płanuje źbirać podpisy da 19 kastryčnika (miesiac), a potym pieradać ich u Minkult.
Jaki vynik hetaha? Kaža, što mahčyma, potym prosta nie buduć składać pratakoły za ściah, a heta ŭžo niamała.
«Cikava, — adznačaje jon, što kali prosta źbiraješ podpisy, nichto pratakoł nie składaje, a kali sa ściaham, to składajuć, rasceńvajučy jak pikietavańnie. Ale ž heta hańba niejkaja».
Praśpiekt Niezaležnaści ad Kastryčnickaj płoščy da vulicy Lenina pa-raniejšamu pierakryty.
12:26
Ludzi praciahvajuć stavić podpisy. Adzin z maładych ludziej (Mikita), što źbirajuć podpisy, kaža, što ŭčora sabraŭ 100 podpisaŭ. Praciahvajuć stavić podpisy siońnia. «Ludzi pa-roznamu staviacca. Niechta achvotna padpisvajecca, a byvaje, što staviacca z ahresijaj».
12:10
Sa ściaham pryjšła siamja Smalakoŭ z maleńkim synam Hiedziminam. Na ich taksama składajuć pratakoł.
Ludzi praciahvajuć stavić podpisy za ściah. Pakul u akcyi biare ŭdzieł niekalki čałaviek.
12:00
Da «Centralnaha» pryjšli niekalki čałaviek, u tym liku Źmicier Daškievič, paet Uładzimir Niaklajeŭ, mastak Aleś Maračkin, dyrektar Kołasaŭskaha liceja Uładzimir Kołas, hramadskaja aktyvistka Nina Bahinskaja, Volha Mikałajčyk, akcior Kupałaŭskaha Aleś Małčanaŭ, Aleh Radziuk, jaki šyje invientar dla baksioraŭ, dy inš. ludzi.
Na Ninu Bahinskuju, jakaja tradycyjna pryjšła sa ściaham, składajuć pratakoł. Taksama Składajuć pratakoł na Maračkina.
Darečy, ruch na praśpiekcie, ad Kastryčnikaj da Lenina, pierakryty.
***
Akcyju pačaŭ 19 vieraśnia, u dzień 25-ch uhodkaŭ pastanovy Viarchoŭnaha Savieta ab dziaržaŭnych simvałach, Źmicier Daškievič, jaki z paplečnikami źbiraŭ podpisy ŭ pierachodzie mietro i la «Centralnaha».
