Getty Images
U Varšavie ludzi vyjšli na vulicy, pratestujučy suprać inicyjatyvy ab zabaronie abortaŭ. Na čarhovuju akcyju suprać zabarony vyjšli niekalki tysiač mužčyn i žančyn, a na nastupnym tydni aktyvisty zaklikajuć polskich žančyn pa ŭsioj krainie zładzić strajk, kab pryciahnuć uvahu da abmiežavańnia žanočych svabodaŭ.
Dva tydni tamu polski parłamient razhledzieŭ inicyjatyvu ab poŭnaj zabaronie abortaŭ. Aktyvisty raniej sabrali 450 tysiač podpisaŭ, vykazaŭšysia za zabaronu.
Kala dvuch tracin deputataŭ prahałasavali za pieradaču inicyjatyvy na razhlad profilnaha kamiteta.
U vypadku, kali na asnovie hetaj inicyjatyvy budzie składzieny zakonaprajekt, jon budzie znoŭ razhledžany parłamientam, a potym vyniesieny na hałasavańnie. Jak vynikaje z apytańnia, praviedzienaha polskim Newsweek, inicyjatyvu padtrymlivajuć kala 75% nasielnictva pieravažna katalickaj krainy.
Novy zakon, u padtrymku jakoha vystupaje kirujučaja partyja «Prava i spraviadlivaści», jašče bolš zrobić bolš žorstkim i biez taho adno z samych surovych u Jeŭropie zakanadaŭstvaŭ pra abort. Hetaja inicyjatyva - krok u sieryi mier pravakansiervatyŭnaha ŭrada, jaki pryjšoŭ da ŭłady minułaj vosieńniu.
Siońnia ŭ Polščy lehalna abort žančyna moža zrabić, tolki kali ciažarnaść pahražaje jaje žyćciu, kali dzicia było začata ŭ vyniku zhvałtavańnia abo incestu, albo kali ciažarnaść praciakaje z mocnymi parušeńniami.
U vyniku, pa niekatorych padlikach, kolkaść nielehalnych abortaŭ u Polščy składaje ad 10 da 150 tysiač vypadkaŭ u hod, u toj čas jak kolkaść lehalnych vypadkaŭ pierapynieńnia ciažarnaści zastajecca na ŭzroŭni adnoj-dvuch tysiač u hod.
