Niamieckaja palicyja zrabiła amierykanskamu akcioru Arnoldu Švarcniehieru vymovu za jazdu na rovary pa vakzale Miunchiena. Pra heta ŭ subotu, 1 kastryčnika, paviedamlaje Bild.
Bundespolizei München
Vartavyja paradku ŭbačyli dvuch viełasipiedystaŭ, jakija chutka jechali pa čyhunačnaj stancyi. Adzin ź dziažurnych pahnaŭsia za imi i, paraŭniaŭšysia z tym, jaki jechaŭ zzadu, pačaŭ tłumačyć niebiaśpieku takich pavodzinaŭ. Mužčyna adkazaŭ, što źjaŭlajecca ciełaachoŭnikam Švarcniehiera.
Vartavy paradku pryniaŭ heta za žart, adnak potym ubačyŭ, što druhi parušalnik — sapraŭdy zorka «Terminatara».
U adkaz na tłumačeńni palicejskich 69-hadovy Švarcniehier adkazaŭ, što ŭ jaho balać nohi i chadzić jamu ciažka. U jakaści kampiensacyi jon prapanavaŭ vartavym paradku zrabić ź im sełfi (fatahrafii raspaŭsiudziła pres-słužba miunchienskaj palicyi).
Paśla niadoŭhaj razmovy ź imi akcior syšoŭ z vakzała pieššu praz paŭnočny ŭvachod, kaciŭšy rovar pobač.
Arnold Švarcniehier — amierykanski akcior, kulturyst i palityk aŭstryjskaha pachodžańnia, 38-y hubiernatar Kalifornii.