Rasija spyniła supracoŭnictva z ZŠA ŭ navukovych daśledavańniach u jadziernaj i enierhietyčnaj śfierach. Adpaviednaja pastanova raźmieščanaja na sajcie ŭrada RF.

Getty

U adpaviednaści z dakumientam, havorka idzie ab prypynieńni dziejańnia pahadnieńnia pa supracoŭnictvie ŭ enierhietyčnych i atamnych daśledavańniach z ZŠA, padpisanaha dźviuma krainami ŭ 2013 hodzie.

Pryčynaj takoha kroku va ŭradzie nazyvajuć prypynieńnie amierykanskim bokam supracoŭnictva pa niekatorych zhadanych u pahadnieńni kirunkach paśla taho, jak u dačynieńni da Rasii ŭviali sankcyi.

«U krasaviku 2014 hoda dziaržkarparacyjaj «Rasatam» byŭ atrymany list ź biuro ministerstva enierhietyki ZŠA pry pasolstvie ZŠA ŭ Maskvie, u jakim sa spasyłkaj na ŭkazańni, atrymanyja z Vašynhtona, paviedamlajecca ab prypynieńni supracoŭnictva ŭ halinie atamnaj enierhietyki ŭ suviazi z padziejami va Ukrainie», — havorycca ŭ pastanovie.

«Rehularnaje padaŭžeńnie ZŠA sankcyj suprać Rasii, u lik jakich uvachodzić i prypynieńnie rasijska-amierykanskaha supracoŭnictva ŭ halinie atamnaj enierhietyki, patrabuje pryniaćcia kontrzachadaŭ ŭ dačynieńni da amierykanskaha boku», — dadajuć va ŭradzie.

Pry hetym kabiniet ministraŭ taksama paviedamlaje, što «za Rasijskaj Fiederacyjaj budzie zachoŭvacca mahčymaść adnavić supracoŭnictva pa pahadnieńni, kali heta budzie apraŭdana z punktu hledžańnia ahulnaha kantekstu adnosin z ZŠA».

Na hetym tydni Rasija ŭžo prypyniła dziejańnie dvuchbakovaha pahadnieńnia z ZŠA pa ŭtylizacyi płutoniju, pakazaŭšy ŭ jakaści pryčyny niazdolnaść ZŠA vykanać svaju častku ŭhody. Razam z tym Rasija zajaviła, što adnović dziejańnie pahadnieńnia, kali Vašynhton admienić usie uviedzienyja ŭ dačynieńni da Rasii sankcyi i tak zvany «zakon Mahnickaha».

Pahadnieńnie pamiž uradami Rasii i ZŠA ab supracoŭnictvie ŭ navukovych daśledavańniach i raspracoŭkach u jadziernaj i enierhietyčnaj śfierach, taksama viadomaje jak «Pahadnieńnie-123», padpisana ŭ Vienie 16 vieraśnia 2013 hoda Siarhiejem Kiryjenka, jaki ŭznačalvaŭ tady Rasatam, i ministram enierhietyki ZŠA Ernestam Manizam.

Pahadnieńnie dazvalaje krainam razam pracavać nad prajektami reaktaraŭ, jakija pamianšajuć ryzyku jadziernaha raspaŭsiudžvańnia. Dakumient praduhledžvaje supracoŭnictva pa takich kirunkach, jak vytvorčaść paliva i raspracoŭka jaho novych vidaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?